លោកគ្រូពេទ្យស្ទើរភ្លើងម្នាក់ ដាក់សេរ៉ូមមួយផ្លោក ឱ្យថ្នាំលេខ៣មុខផ្សេងគ្នា បណ្តាលឱ្យស្ត្រីម្នាក់ ប្រតិកម្មថ្នាំស្លាប់
12-August-2019 | ដោយ ពលមនសិការ
ឧត្ដរមានជ័យ៖ លោកគ្រូពេទ្យស្ទើរភ្លើងម្នាក់ ត្រូវបានសមត្ថកិច្ចខេត្តឧត្ដរមានជ័យ ឃាត់ខ្លួនក្រោយពីព្យាបាលស្ត្រីម្នាក់ បណ្ដាលឲ្យស្លាប់ កាលពីថ្ងៃទី១១ ខែសីហា ឆ្នាំ២០១៩។
ជនរងគ្រោះឈ្មោះ ឈូក ម៉ៅ ភេទស្រី អាយុ២៤ឆ្នាំ រស់នៅ ភូមិជ្រឹងខាងលិច សង្កាត់កូនក្រៀរ ក្រុងសំរោង ខេត្តឧត្ដរមានជ័យ។ ចំណែកជនសង្ស័យឈ្មោះ សឿង ប៊ុនរិទ្ធ អាយុ ៦១ឆ្នាំ រស់នៅភូមិ/ឃុំ ជាមួយគ្នា។
សមត្ថកិច្ចបានឲ្យដឹងថាកាលពីថ្ងៃទី១០ សីហា វេលាម៉ោង ១រសៀល ឪពុកម្ដាយជនរងគ្រោះ បានហៅជនសង្ស័យ ដែលប្រកបរបរពេទ្យចាក់ថ្នាំតាមភូមិ ឲ្យមកមើលជំងឺកូន របស់ខ្លួន ដែលមានជំងឺអ្នកភូមិ ហៅថាជំងឺទាស់សរសៃ ដោយជនសង្ស័យ បានដាក់សេរ៉ូម ឲ្យជនរងគ្រោះ លុះ ម៉ោងប្រហែល៤រសៀល ក៏អស់សេរ៉ូម។ បន្ទាប់មកនៅ ម៉ោង៦ល្ងាចជនសង្ស័យបានឲ្យអ្នកជំងឺលេបថ្នាំចំនួន០៣ មុខផ្សេងគ្នា លុះមកដល់ម៉ោង៧និង៤៥នាទី អ្នកជំងឺបាន ប្រកាច់ស្លាប់តែម្ដង។
បន្ទាប់ទទួលព័ត៌មាននេះ មន្ទីរសុខាភិបាលខេត្តបានបញ្ជូន គ្រូពេទ្យ សហការជាមួយប៉ុស្តិ៍នគរបាលរដ្ឋបាលកូនគ្រៀល ទៅដល់កន្លែងកើតហេតុ ពិនិត្យបច្ចេកទេស ក្នុងការព្យាបាលរកឃើញថាជនសង្ស័យ ប្រកបរបរដើរចាក់ថ្នាំក្នុងភូមិពុំមានសញ្ញាប័ត្រ បញ្ជាក់ថាមានវិជ្ជាជីវៈជាពេទ្យនោះទេ និងពុំមានអាជ្ញាប័ណ្ណ ពីក្រសួង ឬពីមន្ទីរសុខាភិបាលនោះ ដែរ។
អ្នកជំងឺស្លាប់បណ្តាលមកពីការប្រើប្រាស់ថ្នាំGlugose និង Vitamin Becom-plex ដែលមានសារធាតុB1លើសចំណុះ បណ្តាលឲ្យប្រតិកម្ម និងធ្វើឲ្យជាតិស្ករឡើងខ្លាំង។ ដោយមានការសម្របសម្រួល ក្នុងកិច្ចប្រតិបត្តិការពីលោក កូយ កាន់យ៉ា ព្រះរាជអាជ្ញាអមសាលាដំបូងសមត្ថកិច្ច បានឃាត់ ខ្លួនជនសង្ស័យនៅម៉ោង១២និង៣០នាទីរំលងអធ្រាត្រ ឈានចូលថ្ងៃ១១ សីហា។ បច្ចុប្បន្នកំពុងឃាត់ខ្លួនបណ្តោះអាសន្ននៅអធិការស្រុកដើម្បីកសាងសំណុំរឿង បញ្ជូនតុលាការ ចាត់ការតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ5171
- ម្សិលមិញ14181
- សប្តាហ៍នេះ5171
- ខែនេះ120321
- ឆ្នាំនេះ120321
- សរុប20562777