សត្វទន្សោង (គោព្រៃ) មួយក្បាលដែល មានទម្ងន់ប្រហែលជាង៥០០គីឡូក្រាម ងាប់ណ្តាលមកពីសត្វនេះជាប់អន្ទាក់
12-August-2019 | ដោយ ពលមនសិការ
ឧត្តរមានជ័យ៖ នៅរសៀលថ្ងៃទី១០ ខែសីហា ឆ្នាំ២០១៩ នៅ ដែនជម្រកសត្វព្រៃ សង្ឃរុក្ខាវ័ន្ដ ខេត្តឧត្តរមានជ័យ មានករណីងាប់សត្វទន្សោង (គោព្រៃ) មួយក្បាលដែល មានទម្ងន់ប្រហែលជាង៥០០គីឡូក្រាម។
បើយោងតាមព័ត៌មានបឋមពីមន្ត្រីឧទ្យានុរក្ស នៃមន្ទីរបរិស្ថាន ខេត្តឧត្តរមានជ័យ ដែលប្រចាំការក្នុងដែនជម្រកសត្វព្រៃ សង្ឃរុក្ខាវ័ន្ដនេះ បានរាយការណ៍ថាករណីងាប់សត្វកម្រ មួយក្បាលនេះ អាចបណ្តាលមកពីសត្វនេះជាប់អន្ទាក់ ប្រហែលជា២ឬ៣ខែមុននេះ បើពិនិត្យមើល តាមស្នាម អន្ទាក់ដែលរឹតជើងឆ្វេង ហើយករណីមួយទៀត ដោយសារតែសត្វមួយ ក្បាលនេះអាចមាន អាយុកាលច្រើនឆ្នាំ ហើយ អាចនឹងដល់ពេលវេលាដែលត្រូវងាប់។
គួរបញ្ជាក់ផងដែរថា នៅក្នុងដែនជម្រកសត្វព្រៃសង្ឃរុក្ខាវ័ន្ដ នេះសត្វប្រភេទនេះនៅមានមិនច្រើនក្បាលទេហើយក៏កំពុងតែប្រឈមនឹងការផុតពូជផងដែរដោយជនល្មើសតែងតែបរបាញ់ដាក់អន្ទាក់ ទោះបីជាមន្ត្រីឧទ្យានុរក្ស និងសមាជិកសហគមន៍ចុះល្បាតជាប្រចាំ ក៏នៅតែមានការការប្រព្រឹត្តបទល្មើសនេះដែរ។
ចុងក្រោយមន្ទីរបរិស្ថានខេត្តឧត្តរមានជ័យ សូមអំពាវនាវ ដល់ប្រជាពលរដ្ឋ ដែលរស់ជុំវិញតំបន់ការពារធម្មជាតិមួយ នេះ សូមបញ្ឈប់សកម្មភាព បំផ្លាញ ធនធានធម្មជាតិ និង សត្វព្រៃហើយងាកមកចូលរួមថែរក្សា និងការពារ អភិរក្ស ធនធានធម្មជាតិ ទាំងអស់នេះ ដើម្បីកូនចៅយើងជំនាន់ ក្រោយ ៕
ចំនួនអ្នកទស្សនា
- ថ្ងៃនេះ4521
- ម្សិលមិញ14181
- សប្តាហ៍នេះ4521
- ខែនេះ119671
- ឆ្នាំនេះ119671
- សរុប20562127