កម្លាំងកងរាជអាវុធហត្ថ បង្ក្រាបសំបុកចែកចាយ និងប្រើប្រាស់គ្រឿងញៀនឃាត់ខ្លួនបាន៩នាក់
16-August-2019 | ដោយ ពលមនសិការ
បន្ទាយមានជ័យ៖ កម្លាំងកងរាជអាវុធហត្ថបង្ក្រាបសំបុកចែកចាយ និងប្រើប្រាស់គ្រឿងញៀន ឃាត់ខ្លួនបាន៩នាក់និងវត្ថុតាងមួយចំនួនត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅថ្ងៃទី១៥ ខែសីហា ឆ្នាំ២០១៩។
លោកវរសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានប្រាប់ថា៖ជនសង្ស័យដែលត្រូវឃាត់ខ្លួន៩នាក់ មាន១.ឈ្មោះ ហាក់ ផាន់ណា ភេទប្រុសអាយុ៣២ឆ្នាំ ២.ឈ្មោះ វ៉ាន់ រី ភេទប្រុស អាយុ៣៦ឆ្នាំ ៣.ឈ្មោះ ហេង សុភក្តិ ភេទប្រុស អាយុ៣៦ឆ្នាំ ៤.ឈ្មោះ គង់ សុជាតិ ភេទប្រុស អាយុ៣៩ឆ្នាំ ៥.ឈ្មោះ ថៃ រ៉ាឌី ភេទប្រុសអាយុ២៤ឆ្នាំ ៦.ឈ្មោះ លាង លី ភេទប្រុស អាយុ២១ឆ្នាំ ៧.ឈ្មោះ តឿម តាន ភេទប្រុស អាយុ១៧ឆ្នាំ ៨.ឈ្មោះ ផន សុជា ភេទប្រុស អាយុ២២ឆ្នាំ ៩.ឈ្មោះ ហាន ឆ្នើម ភេទប្រុស អាយុ២៥ឆ្នាំ ជនទាំងនេះស្នាក់នៅសង្កាត់.ក្រុងប៉ោយប៉ែត។
លោកវរសេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថខេត្តបានបញ្ជាក់ថា៖នៅពេលឃាត់ខ្លួនជនសង្ស័យគឺកម្លាំងកងរាជអាវុធហត្ថក្រុងប៉ោយប៉ែត បានស្រាវជ្រាវនិងកំណត់មុខសញ្ញាហើយចុះប្រតិបត្តិការបង្ក្រាបសំបុក្រចែកចាយនិងប្រើប្រាស់គ្រឿងញៀនឃាត់ខ្លួនជនសង្ស័យចំនួន៩នាក់ ព្រមដកហូតគ្រឿងញៀនប្រភេទមេតំហ្វេតាមីនហៅខេទឹកកកចំនួន០៣កូនថង់តូច ស្មើ០,៦០ក្រាម និងយ៉ាម៉ា២គ្រាប់ និងឧបករប្រើប្រាស់គ្រឿងញៀនមួយចំនួនទៀតដែលចុះបង្ក្រាបនៅថ្ងៃទី១៣ ខែសីហា ឆ្នាំ២០១៩ នៅចំណុចបរិវេណកាស៊ីណូផ្កាយប្រាំ ស្ថិតភូមិក្បាលស្ពានមួយ សង្កាត់.ក្រុងប៉ោយប៉ែត។
លោកបានបញ្ជាក់ថា៖ក្រោយពេលឃាត់ខ្លួនជនសង្ស័យទាំង៩នាក់ និងវត្ថុតាងគ្រឿងញៀនត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យដើម្បីអនុវត្តន៍តាមច្បាប់ ៕
ចំនួនអ្នកទស្សនា
- ថ្ងៃនេះ4811
- ម្សិលមិញ14181
- សប្តាហ៍នេះ4811
- ខែនេះ119961
- ឆ្នាំនេះ119961
- សរុប20562417