រថយន្តធុនធំដឹកខ្សាច់ ដាច់ហ្វ្រាំងថយក្រោយជិត៥០០ម៉ែត្រ បុកផ្ទះលក់កង់ឡាន បណ្តាលឱ្យខូចផ្នែកខាងមុខ ២ល្វែង និងសម្ភារៈជាច្រើន
16-August-2019 | ដោយ ពលមនសិការ
បន្ទាយមានជ័យ៖ រថយន្តធុនធំដឹកខ្សាច់ដាច់ហ្វ្រាំងថយក្រោយជិត៥០០ម៉ែត្រ បុកផ្ទះលក់កង់ឡាន បណ្តាលឱ្យខូចផ្នែកខាងមុខ២ល្វែង និងសម្ភារៈមួយចំនួននៅវេលាម៉ោងជិត១០យប់ថ្ងៃទី១៦ ខែសីហា ឆ្នាំ២០១៩ តាមបណ្តោយផ្លូវជាតិ៥ ស្ថិតភូមិគោរដ្ឋានសង្កាត់អូរអំបិល ក្រុងសិរីសោភ័ណ។
មន្ត្រីនគរបាលចរាចរណ៍ជើងគោកខេត្តបន្ទាយមានជ័យ បានឱ្យដឹងថា នៅពេលកើតហេតុមានរថយន្តធុនធំប្រភេទយីឌុបហ៊ីយ៉ាន់ដាយ ពាក់ស្លាក់លេខ ព្រះសីហនុ 3A-5412 ដឹកដីខ្សាច់ពេញ បើកបរតាមបណ្តោយផ្លូវជាតិលេខ៥ ក្នុងទិសដៅពីកើតទៅលិចដល់ភ្លើងស្តុបផ្លូវបំបែក មុខសាលាខេត្តបន្ទាយមានជ័យ បានបើកឡើងចំណតទៅមុខលែងរួច ដោយរថយន្តដឹកដីខ្សាច់ធ្ងន់។ ទើបរថយន្តថយក្រោយប្រមាណជិត៥០០ម៉ែត្រ ដល់ភ្លើងស្តុបខាងត្បូងចំណត រថយន្តបណ្តាលថយបុករះផ្ទះនៅផ្នែកខាងស្តាំងដៃ២ល្វែង និងបង្គោលភ្លើង១ និងម៉ូតូធុនវីវ៉ាផលិតឆ្នាំ២០១៦ ពាក់ស្លាកលេខរាជការ និងខូចសម្ភារៈមានម៉ាស៊ីនថ្លឹងកង់រថយន្ត១គ្រឿង ម៉ាស៊ីនគាស់បករថយន្ត១គ្រឿង ម៉ាស៊ីនសប់កង់រថយន្ត១គ្រឿង ហើយភ្លាមៗនោះអ្នកបើកបរបានរត់គេចខ្លួន។
មន្ត្រីនគរបានបញ្ជាក់ថា៖មូលហេតុដែលគ្រោះថ្នាក់ចរាចរណ៍កើតឡើងគឺបណ្តាលមកពីរថយន្តដឹកខ្សាច់លើសទំងន់ហើយបើឡើងចំណតមិនរួចថយក្រោយរហូតជិតកន្លះគីឡូម៉ែត្រ បណ្តាលបុករះផ្ទះ២ល្វែង ដែលជាផ្ទះលក់សំបកកង់រថយន្ត និងប៉ះកងរថយន្តបណ្តាលខូចខាតផ្ទះនិងសម្ភារៈម៉ូតូ១គ្រឿងនិងបង្គោលភ្លើង។ ក្រោយពេលវាស់វែងនិងពិនិត្យហើយត្រូវបានអោយរថយន្ត១គ្រឿងទៀតផ្ទេរខ្សាច់ហើយយករថយន្តបង្កទៅរក្សាទុកនៅស្នងការដ្ឋាននគរបាលខេត្តដើម្បីអនុវត្តតាមច្បាប់៕
ចំនួនអ្នកទស្សនា
- ថ្ងៃនេះ2531
- ម្សិលមិញ14181
- សប្តាហ៍នេះ2531
- ខែនេះ117681
- ឆ្នាំនេះ117681
- សរុប20560137