រថយន្តដឹកមាន់ បុកគ្នាពេញទំហឹងនៅផ្លូវជាតិលេខ៤ ស្រុក កំពង់សិលា បណ្តាលឱ្យមនុស្ស៣នាក់រងរបួសធ្ងន់
28-August-2019 | ដោយ ពលមនសិការ
ព្រះសីហនុ៖ មន្ត្រីនគរបាលខេត្តព្រះសីហនុ បានឲ្យដឹងថា នៅវេលាម៉ោង០៥នឹង២០នាទី ថ្ងៃទី២៨ ខែសីហា ឆ្នាំ២០១៩ មានគ្រោះថ្នាក់ចរាចរណ៍ធ្ងន់ធ្ងរមួយកើតឡើងនៅ ផ្លូវជាតិលេខ៤ ចន្លោះគីឡូម៉ែត្រ១០៨-១០៩ ភូមិស្ទឹងច្រាលឃុំអូរបាក់រទេះ ស្រុកកំពង់សីលា ខេត្តព្រះសីហនុ។
មន្ត្រីនគរបាលដដែលបានបន្តថារថយន្តកូរ៉េដឹកមាន់១គ្រឿងម៉ាក HYUNDAI ពណ៌ខៀវ ពាក់ស្លាកលេខ ភ្នំពេញ 3B- 6631 អ្នកបើកបរឈ្មោះ ចក់ ភេទប្រុស អាយុ៣០ឆ្នាំ ទីលំនៅស្រុកអង្គស្នួល ខេត្តកណ្ដាល ដឹកកម្មករចំនួន២នាក់ មានទិសដៅពី ភ្នំពេញ ឆ្ពោះមកខេត្តព្រះសីហនុ លុះដល់ចំណុចខាងលើបុកនឹងរថយន្តកូរ៉េ១គ្រឿងម៉ាកHYUNDAI ពណ៌ស ពាក់ស្លាកលេខ ភ្នំពេញ 3B-7801 អ្នកបើកបរឈ្មោះ ភ័ស្ត ភេទប្រុស អាយុ២៥ឆ្នាំ មានទិសដៅផ្ទុយគ្នា។
គ្រោះថ្នាក់នេះបណ្តាលឲ្យរងរបួសមនុស្សចំនួន៣នាក់រួមមានទី១-ឈ្មោះ ចក់ អ្នកបើកបររថយន្តដឹកមាន់ របួសធ្ងន់ បាក់ជើង, ទី២-ឈ្មោះ ភ័ស្ត អ្នកបើកបររថយន្តកូរ៉េ រងរបួសធ្ងន់បាក់ជើង និងទី៣-អ្នករួមដំណើរលើរថយន្តដឹកមាន់ រងរបួសស្រាល។
អ្នករងរបួសទាំងអស់ បានបញ្ជូនទៅសង្គ្រោះនៅមន្ទីរពេទ្យបង្អែកខេត្តកំពង់ស្ពឺ។ រថយន្តចំនួន២គ្រឿងសមត្ថកិច្ចបាន ឃាត់រថយន្តធំៗឲ្យជួយទាញចេញពីគ្នាដើម្បីសំរួល ចរាចរណ៍ហើយបានយកមករក្សាទុកនៅអធិការដ្ឋាននគរបាលស្រុកកំពង់សិលា ៕
ចំនួនអ្នកទស្សនា
- ថ្ងៃនេះ441
- ម្សិលមិញ14181
- សប្តាហ៍នេះ441
- ខែនេះ115591
- ឆ្នាំនេះ115591
- សរុប20558047