អគ្គស្នងការនគរបាលជាតិ ជួបជាមួយ លោក Jonh Wilson ប្រធានការិយាល័យអនុព័ន្ធផ្នែកច្បាប់ FBI ប្រចាំកម្ពុជា
29-August-2019 | ដោយ ពលមនសិការ
ភ្នំពេញ៖ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ បានទទួលជួបជាមួយ លោក Jonh Wilson ប្រធានការិយាល័យអនុព័ន្ធផ្នែកច្បាប់ FBI ប្រចាំកម្ពុជា នៅបន្ទប់សវនការ អគ្គស្នងការដ្ឋាននគរបាលនគរបាលជាតិ កាលពីរសៀលថ្ងៃទី២៨ ខែសីហា ឆ្នាំ២០១៩។
ក្នុងជំនួបនេះភាគីទាំងពីរបានពិភាក្សាអំពីការរៀបចំដំណើរការក្រុមប្រតិបត្តិការ Task Force ដើម្បីរួមគ្នារវាងនគរបាលជាតិកម្ពុជា ជាមួយភ្នាក់ងារ FBI ក្នុងការស៊ើបអង្កេតបង្ក្រាបបទឧក្រិដ្ឋ។
ពាក់ព័ន្ធនឹងបញ្ហានេះ ឯកឧត្តមអគ្គស្នងការនគរបាលជាតិ បានបញ្ជាក់ជូនភាគីអាមេរិកថា៖ ទី១. ត្រូវរៀបចំពិនិត្យឡើងវិញលើសមាសភាព ដើម្បីបង្កើតនូវយន្តការសហការដោយផ្អែកតាមខ្លឹមសារ MOU, ទី២. ប្រគល់ភារកិច្ចឲ្យអគ្គស្នងការរង ១រូប តំណាងឲ្យអគ្គស្នងការនគរបាលជាតិ ក្នុងការដឹកនាំ បញ្ជាផ្ទាល់ដល់ក្រុម Task Force របស់កម្ពុជា ដើម្បី សហការជាមួយភាគីអាមេរិក, ទី៣. គឺនឹងរៀបចំបែបបទរដ្ឋបាលឲ្យទៅជាច្រកចេញចូលតែមួយសំដៅដោះស្រាយសំណើ និងសំណូមពរនានារបស់ FBI ទាន់ពេលវេលា ទាំងការងារស្រាវជ្រាវស៊ើបអង្កេត ការចាប់ខ្លួន និងការបញ្ជាក់ព័ត៌មានផ្សេងៗ ជាពិសេស ការទំនាក់ទំនងប្រតិបត្តិការតាមផែនជំនាញនិងរាជធានីខេត្ត។
ឯកឧត្តមអគ្គស្នងការ បញ្ជាក់ទៀតថា ក្រុមការងារនេះ មានភារកិច្ច និងមានសិទ្ធស៊ើបអង្កេតផ្ទាល់ ឬចាប់ខ្លួនដោយផ្អែកលើឯកច្បាស់លាស់សំណើរបស់អាមេរិក និងអនុលោមតាមច្បាប់នៅកម្ពជា។ ក្រុមនេះមានសិទ្ធទំនាក់ទំនងផ្ទាល់ជាមួយនាយកដ្ឋាន អង្គភាព និងស្នងការរាជធានី ខេត្ត ដើម្បីបំបែកករណី។
ឯកឧត្តមអគ្គស្នងការនគរបាលជាតិ ក៏បានសំណូមពរឲ្យ FBI ជួយគាំទ្រទាំងមធ្យោបាយ សម្ភារនិងថវិកាតាមលទ្ធភាពជាក់ស្តែង ដើម្បីឲ្យក្រុមប្រតិបត្តិការនេះ ដំណើរការទៅបានរលូន ជាពិសេសស្នើឲ្យ FBI ឧទ្ទេសនាមមន្ត្រីស៊ើបអង្តេតរបស់ខ្លួនមកភាគីកម្ពុជាឲ្យបានដឹងផងដែរ។
ក្នុងជំនួបដែរនេះ តំណាងFBI បានថ្លែងអំណរគុណចំពោះការបញ្ជាក់របស់ឯកឧត្តអគ្គស្នងកានគរបាលជាតិ និងសន្យាពាំនាំនូវលទ្ធផល នៃកិច្ចសហការជាមួយនគរបាលកម្ពុជា រាយការណ៍ទៅថ្នាក់ដឹកនាំ FBI នៅសហរដ្ឋអាមេរិកផងដែរ៕
.jpg)
ចំនួនអ្នកទស្សនា
- ថ្ងៃនេះ251
- ម្សិលមិញ14181
- សប្តាហ៍នេះ251
- ខែនេះ115401
- ឆ្នាំនេះ115401
- សរុប20557857