រថយន្តបីគ្រឿងបុកបន្តគ្នាបណ្តាលឱ្យមនុស្ស៥នាក់រងរបួសធម្យមនិងស្រាល
29-August-2019 | ដោយ ពលមនសិការ
ព្រះសីហនុ៖ រថយន្តបីគ្រឿងបុកបន្តគ្នាបណ្តាលឱ្យមនុស្ស៥នាក់រងរបួសធម្យមនិងស្រាល។ ហេតុការណ៍គ្រោះថ្នាក់ខាងលើបានកើតឡើង កាលពីថ្ងៃពុធ ១៣រោច ខែ ស្រាពណ៍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២៨ ខែសីហា ឆ្នាំ២០១៩ វេលាម៉ោង២៣នឹង២០នាទី លើផ្លូវជាតិលេខ៤ ចន្លោះគីឡូម៉ែត្រ២០៤-២០៥ ស្ថិតនៅភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ។
សមត្ថកិច្ចបានឱ្យដឹងថារថយន្តទាំង៣គ្រឿង១-មិនស្គាល់ភិនភាគរថយន្ត និងអត្តសញ្ញាណអ្នកបើកបរ (រថយន្តទី១) ២-រថយន្តម៉ាក HYUNDAI ពណ៌ស ពាក់ស្លាកលេខព្រះសីហនុ 3A-4988 (រថយន្តទី២) បើកបរដោយឈ្មោះ រាត រុន ភេទប្រុស អាយុ១៧ឆ្នាំ មុខរបរបើកបររថយន្ត និងអ្នករួមដំណើរចំនួន០៤នាក់ អ្នកទាំងអស់គ្នាមានទីលំនៅសង្កាត់ ៣ ក្រុងព្រះសីហនុ ខេត្តព្រះសីហនុ និង៣-រថយន្តម៉ាក NISSAN ពណ៌ស ពាក់ស្លាកលេខភ្នំពេញ 3E-7047 (រថយន្តទី៣) អ្នកបើកបរមិនស្គាល់អត្តសញ្ញាណ។
សមត្ថកិច្ចបន្តថាគ្រោះថ្នាក់ចរាចរណ៍ខាងលើនេះ បណ្ដាលឲ្យមនុស្សរងរបួសមនុស្សចំនួន ០៥នាក់៖១-ឈ្មោះ រាត រុន អ្នកបើកបររថយន្ត HYUNDAI របួសមធ្យម, ២-ឈ្មោះ សឿង សំ អ្នករួមដំណើររថយន្ត HYUNDAI របួសស្រាល,៣-ឈ្មោះ ធី សុធន់ អ្នករួមដំណើររថយន្ត HYUNDAI របួសស្រាល,៤-ឈ្មោះ នាង ស្មាក់ អ្នករួមដំណើររថយន្ត HYUNDAI របួសស្រាល និង៥-ឈ្មោះ នៃ ភក្រ អ្នករួមដំណើររថយន្ត HYUNDAI របួសស្រាល។
បច្ចុប្បន្នជនរងគ្រោះបានបញ្ជូនទៅព្យាបាលនៅ គ្លីនិចមិត្តភាពឃ្លាំងលើ។ វត្ថុតាង រថយន្តទាំង ០២គ្រឿង បានយករក្សាទុកជាបណ្តោះអាសន្ននៅអធិការដ្ឋាននគរបាលស្រុកព្រៃនប់។ ដោយឡែកអ្នកបើករថយន្តមិនស្គាល់ភិនភាគ និងអត្តសញ្ញាណអ្នកបើកបរ បានបើករថយន្តចេញពីកន្លែងកើតហេតុ ចំណែកអ្នកបើកបររថយន្ត NISSAN បានរត់គេចខ្លួនបាត់ក្រោយពេលកើតហេតុ ៕
ចំនួនអ្នកទស្សនា
- ថ្ងៃនេះ431
- ម្សិលមិញ14181
- សប្តាហ៍នេះ431
- ខែនេះ115581
- ឆ្នាំនេះ115581
- សរុប20558037