លទ្ធផលនៃតួលេខប្រាក់ឈ្នួលអប្បបរមាឆ្នាំ២០២០ រវាងភាគីសហជីព និងនិយោជោកមានគន្លាតគ្នា ១៥ដុល្លារ
06-September-2019 | ដោយ ពលមនសិការ
ភ្នំពេញ៖ លោក ហេង សួរ រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ បានបញ្ជាក់ថា សម្រាប់កិច្ចប្រជុំនៅព្រឹកថ្ងៃទី៦ ខែកញ្ញា ឆ្នាំ២០១៩នេះ ភាគីនិយោជោកបានលើកយកតួលេខចំនួន ១៨៤ដុល្លារ និងភាគីសហជីពចំនួន ១៩៩ដុល្លារអាមេរិក សម្រាប់ប្រាក់ឈ្នួលអប្បបរមាឆ្នាំ២០២០ខាងមុខ។
បន្ទាប់ពីកិច្ចប្រជុំក្រុមប្រឹក្សាជាតិប្រាក់ឈ្នួលអប្បបរមា លើកទី៣ នៅទីស្តីការក្រសួង លោក ហេង សួរ មានប្រសាសន៍ប្រាប់ដល់ក្រុមអ្នកសារព័ត៌មានថាសម្រាប់តួលេខលើកឡើង រវាងភាគីនិយោជោក និងភាគីសហជីពនៅថ្ងៃនេះ មិនចម្លែកទេ បើប្រៀបធៀបទៅនឹងឆ្នាំកន្លងទៅ ដែលជាទូទៅភាគីនីមួយៗ តែងតែបង្ហាញតួលេខផ្តើមចេញពីខ្ពស់ រីឯម្ខាងទៀតផ្តើមចេញពីទាប ហើយអ្វីទាំងអស់នេះ យើងនឹងកែសម្រួលគោលជំហរបន្តទៀតនៅពេលប្រជុំថ្ងៃខាងមុខ ដោយយោងទៅតាមលក្ខណៈវិនិច្ឆ័យតាមបែបសង្គមនិងសេដ្ឋកិច្ច ដែលយើងឯកភាពគ្នាកន្លងមក។
ទាក់ទងនឹងតួលេខចំនួន ១៩៩ដុល្លាររបស់ភាគីសហជីព លោក សោម អូន តំណាងឲ្យភាគីសហជីព បានរំពឹងទុកថា ភាគីនិយោជោកនឹងតម្លើងក្នុងកម្រិតមួយដែលអាចទទួលយកបាន សម្រាប់កិច្ចប្រជុំលើកក្រោយទៀត។
ពាក់ព័ន្ធនឹងកិច្ចប្រជុំក្រុមប្រឹក្សាជាតិប្រាក់ឈ្នួលអប្បបរមា ក្រសួងការងារនិងបណ្តុះបណ្តាលវិជ្ជាជីវៈ នឹងបើកកិច្ចចរចាបន្តទៀត នៅថ្ងៃទី១២ ខែកញ្ញាខាងមុខ វេលាម៉ោង៣រសៀល៕
ចំនួនអ្នកទស្សនា
- ថ្ងៃនេះ491
- ម្សិលមិញ14181
- សប្តាហ៍នេះ491
- ខែនេះ115641
- ឆ្នាំនេះ115641
- សរុប20558097