មនុស្ស២នាក់ ស្លាប់ភ្លាមៗនៅកន្លែងកើតហេតុ ដោយសារគ្រោះថ្នាក់ចរាចរណ៍រថយន្តបុកម៉ូតូ
11-September-2019 | ដោយ ពលមនសិការ
សៀមរាប៖ មនុស្ស២នាក់ បានស្លាប់ភ្លាមៗនៅកន្លែងកើតហេតុ ដោយសារគ្រោះថ្នាក់ចរាចរណ៍រថយន្តបុកម៉ូតូ។ ឧបទ្ទវហេតុខាងលើបានកើតឡើងកាលពីថ្ងៃទី១០ ខែកញ្ញា ឆ្នាំ២០១៩ វេលាម៉ោង២០៖១៧នាទី នៅចំណុចខាងជើងផ្លូវចុះ ភូមិភ្លួងចំងាយប្រហែល២០០ម៉ែត្រ លើផ្លូវក្រាលកៅស៊ូ ស្ថិតនៅក្នុងភូមិភ្លុង ឃុំលាងដៃ ស្រុកអង្គរធំ ខេត្តសៀមរាប។
លោកវរសេនីយ៍ទោ ជ្រិញ គឹមនី អធិការនគរបាលស្រុកអង្គរធំបានឲ្យដឹងថាករណីគ្រោះថ្នាក់ចរាចរណ៍នេះបង្កឡើងរវាងរថយន្ត ម៉ាក់អ៊ីស៊ុយស៊ុយ ពណ៌ទឹកប៊ិច ពាក់ស្លាកលេខ សៀមរាប 2A-8754 បើកបរទិសដៅពីជើងទៅត្បូង បានបុកម៉ូតូម៉ាកហុងដាឌ្រីម ពាក់ស្លាកលេខ សៀមរាប 1X- 2453 ដែលជិះឌុកគ្នា០២នាក់ មានទិសដៅពីត្បូងទៅជើង។
ក្រោយពេលកើតហេតុ អ្នកបើកបររថយន្តបានរត់គេចខ្លួនបាត់។ ក្នុងករណីនេះបណ្ដាលឲ្យស្លាប់មនុស្ស២នាក់ អ្នកបើកបរម៉ូតូឈ្មោះ ឈិន វន ភេទប្រុស អាយុ២៤ឆ្នាំ រស់នៅភូមិសំរោង ឃុំលាងដៃ ស្រុកអង្គរធំខេត្តសៀមរាប និងអ្នករួមដំណើរឈ្មោះ ភិន រ៉េ ភេទប្រុស អាយុ២៣ឆ្នាំ រស់នៅភូមិឃុំជាមួយគ្នាខាងលើ។ ក្រោយពីកើតហេតុខាងលើ កម្លាំងសមត្ថកិច្ចនគរបាលជំនាញស្រុក បានទៅដល់ពិនិត្យដល់កន្លែងកើតហេតុនិងវាស់វែង និងបានធ្វើកំណត់ហេតុដកហូតវត្ថុតាងយកមករក្សាទុកនៅអធិការដ្ឋាននគរបាលស្រុកអង្គរធំ ដើម្បីអនុវត្តនីតិវិធីបន្ត។
សមត្ថកិច្ចជំនាញបានបញ្ជាក់ថាមូលហេតុគ្រោះថ្នាក់នេះបណ្តាមកពីរថយន្តបើកបរក្នុងល្បឿនលឿនហើយមិនប្រកាន់ស្តាំ។ ចំណែកសាកសព សមត្ថកិច្ច បានប្រគល់ឲ្យទៅក្រុមគ្រួសារដើម្បីធ្វើបុណ្យតាមប្រពៃណី ៕
ចំនួនអ្នកទស្សនា
- ថ្ងៃនេះ13291
- ម្សិលមិញ20231
- សប្តាហ៍នេះ92371
- ខែនេះ114251
- ឆ្នាំនេះ114251
- សរុប20556707