ព្រះរាជអំណោយដ៏ខ្ពង់ខ្ពស់ របស់ព្រះករុណាជាម្ចាស់ជីវិតលើត្បូង ចែកជូនដល់បងប្អូនប្រជាពលរដ្ឋ ដែលរងគ្រោះដោយសារទឹកជំនន់ទន្លេមេគង្គ
16-September-2019 | ដោយ ពលមនសិការ
កំពង់ចាម៖ ព្រះរាជអំណោយដ៏ខ្ពង់ខ្ពស់ របស់ព្រះករុណាជាម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជា និងសម្ដេចព្រះមហាក្សត្រី ព្រះវររាជមាតាជាតិខ្មែរ នៃព្រះរាជាណាចក្រកម្ពុជាជាទីគោរពសក្ការៈដ៏ខ្ពង់ខ្ពស់បំផុត ត្រូវបាន ចែកជូនដល់បងប្អូនប្រជាពលរដ្ឋ ដែលរងគ្រោះដោយសារទឹកជំនន់ទន្លេមេគង្គ ចំនួន៣៧០គ្រួសារ ស្ថិតនៅភូមិកំពង់សំណាញ់ ឃុំមៀន ស្រុកព្រៃឈរ នៅព្រឹកថ្ងៃចន្ទទី១៦ ខែកញ្ញា ឆ្នាំ២០១៩។
ព្រះរាជអំណោយចែកជូនក្នុងមួយគ្រួសារទទួលបាន រួមមាន ថវិកា២០ម៉ឺនរៀល, អង្ករមួយបេ៥០គីឡូ, ឃីដ០១កញ្ចប់,មី០១កេស, ត្រីខ១០កំប៉ុង, តង់កៅស៊ូ០១ផ្ទាំង សរុប៣៧០គ្រួសារ។
ក្រោមព្រះរាជតំណាងដ៏ខ្ពង់ខ្ពស់ សម្ដេចចៅហ្វាវាំង វរវៀងជ័យ អធិបតីស្រឹង្គា គង់ សំអុល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង ដោយមានការអញ្ជើញចូលរួមជាកិត្តិយស ឯកឧត្តម គណៈប្រតិភូអមដំណើរ ឯកឧត្តមឧបនាយករដ្ឋមន្ត្រី យឹម ឆៃលី ប្រធានក្រុមការងារថ្នាក់ជាតិចុះជួយខេត្តកំពង់ចាម ឯកឧត្តម ហ៊ុន ណេង ប្រធានគណៈកម្មាធិការទី៤ នៃរដ្ឋសភា និងជាតំណាងរាស្ត្រមណ្ឌលកំពង់ចាម ឯកឧត្តម ទេសរដ្ឋមន្ត្រី គន់ គីម អនុប្រធានទីមួយ គណៈកម្មាធិការជាតិគ្រប់គ្រងគ្រោះមហន្តរាយ ឯកឧត្តម ប៉ាន សូរស័ក្កិ រដ្ឋមន្ត្រីក្រសួងពាណិជ្ជកម្ម ឯកឧត្តម អ៊ុន ចាន់ដា អភិបាល នៃគណៈអភិបាលខេត្ត ឯកឧត្តមប្រធានក្រុមប្រឹក្សាខេត្ត ឯកឧត្តម លោកជំទាវ អភិបាលរងខេត្ត លោកលោកស្រី ប្រធានមន្ទីរពាក់ព័ន្ធជុំវិញខេត្ត កងកម្លាំងប្រដាប់អាវុធទាំងបី លោកអភិបាល-អភិបាលរងស្រុក និងសមាជិកសមាជិកាពាក់ព័ន្ធជុំវិញស្រុកព្រៃឈរ ៕
ចំនួនអ្នកទស្សនា
- ថ្ងៃនេះ13241
- ម្សិលមិញ20231
- សប្តាហ៍នេះ92321
- ខែនេះ114201
- ឆ្នាំនេះ114201
- សរុប20556657