អគ្គនាយកដ្ឋានអន្តោប្រវេសន៍ បើកវគ្គបណ្ដុះបណ្ដាលផ្ទៃក្នុង ស្ដីពីការកសាងផែនការសកម្មភាព
16-September-2019 | ដោយ ពលមនសិការ
ភ្នំពេញ៖ នៅព្រឹកថ្ងៃទី១៦ ខែកញ្ញា ឆ្នាំ២០១៩ ឯកឧត្តម នាយឧត្តមសេនីយ៍ គៀត ច័ន្ទថារិទ្ធ អគ្គនាយកអន្តោប្រវេសន៍ បានអញ្ជើញជាអធិបតី ក្នុងពិធីបើកវគ្គបណ្ដុះបណ្ដាលផ្ទៃក្នុង ស្ដីពីការកសាងផែនការសកម្មភាព របស់អគ្គនាយកដ្ឋានអន្តោប្រវេសន៍។
ក្នុងពិធីបើកវគ្គនេះដែរ ឯកឧត្តម នាយឧត្តមសេនីយ៍ គៀត ច័ន្ទថារិទ្ធ បានមានប្រសាសន៍ដែរថា ការបើកវគ្គបណ្ដុះបណ្ដាលនាពេលនេះ ក្នុងគោលបំណង ដើម្បីបានយល់បានចេះអំពីរបៀបរបប ក្នុងការធ្វើផែនការសកម្មភាព សម្រាប់អនុវត្តផែនការយុទ្ធសាស្ត្រ និងបង្កើតសមត្ថភាពដល់ថ្នាក់ដឹកនាំ ក៏ដូចជាមន្ត្រីជំនាញ របស់អគ្គនាយកដ្ឋានអន្តោប្រវេសន៍ផងដែរ។
ឯកឧត្តម នាយឧត្តមសេនីយ៍ ក៏បានមានប្រសាសន៍បន្តទៀតថា មិនមែនថ្នាក់ដឹកនាំ ឬក៏មន្ត្រីជំនាញ មិនមានសមត្ថភាព ក្នុងការកសាងផែនការសកម្មភាពនោះទេ គឺចង់បន្ថែមលើសមត្ថភាព ទាំងការយល់ដឹង បទពិសោធន៍ ដែលធ្លាប់អនុវត្តកន្លង ដើម្បីឲ្យការកសាងផែនការកាន់តែមានប្រសិទ្ធភាព ជាពិសេសមានឯកភាពទៅវិញទៅមក ទាំងថ្នាក់ដឹកនាំ និងមន្ត្រីជំនាញ។
នាឱកាសនោះដែរឯកឧត្តមនាយឧត្តមសេនីយ៍ ក៏បានផ្ដាំផ្ញើដល់សិក្ខាកាមទាំងអស់ ខិតខំប្រឹងប្រែងទទួលយកចំណេះដឹង បទពិសោធន៍ ដែលបានបង្ហាញដោយគ្រូឧទេស្ទនាម ក្នុងរយៈពេលបណ្ដុះបណ្ដាលនេះ ឯកឧត្តមបានបញ្ជាក់ដែរថា វគ្គបណ្ដុះបណ្ដាលនឹងធ្វើឡើង ក្នុងមួយសប្ដាហ៍ ពីរដង ហើយឯកឧត្តមក៏បានថ្លែងអំណរគុណដល់ សិក្ខាកាមទាំងអស់ និងគ្រូឧទេស្ទនាម ដែលបានចំណាយពេលវេលា មកចូលរួមក្នុងវគ្គបណ្ដុះបណ្ដាលនាពេលនេះ ៕
ចំនួនអ្នកទស្សនា
- ថ្ងៃនេះ12771
- ម្សិលមិញ20231
- សប្តាហ៍នេះ91851
- ខែនេះ113731
- ឆ្នាំនេះ113731
- សរុប20556187