លោកស្នងការដ្ឋាននគរបាលខេត្តកំពត ផ្តល់ថវិកាគោលនយោបាយ ជូនដល់មន្ត្រីនគរបាលចូលនិវត្តន៍ ពិការ និងក្រុមគ្រួសារមន្ត្រីមរណៈ
19-September-2019 | ដោយ ពលមនសិការ
កំពត៖ នាថ្ងៃព្រហស្បតិ៍ ០៦រោច ខែភទ្របទ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៩ ខែកញ្ញា ឆ្នាំ២០១៩ វេលាម៉ោង៨នឹង៣០នាទី លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្ត បានអញ្ជើញជាអធិបតីក្នុងពិធីបើកផ្តល់ថវិកាគោលនយោបាយ ជូនដល់មន្ត្រីនគរបាលចូលនិវត្តន៍ ពិការ និងក្រុមគ្រួសារមន្ត្រីមរណៈ សរុបចំនួន ៥៩នាក់ ស្មើនឹងទឹកប្រាក់សរុបចំនួន៧៤៤.៦៥៧.៣៣០ រៀល (ប្រាំពីររយសែសិបបួនលានប្រាំមួយរយហាសិបប្រាំពីរពាន់បី រយសាមសិបរៀលគត់)។
មន្ត្រីនគរបាលចូលនិវត្តន៍ចំនួន ២៧ នាក់ ស្មើនឹងទឹកប្រាក់សរុបចំនួន ១៧៩.៩២៥.៣៦០ រៀល (មួយរយចិតសិបប្រាំបួនលានប្រាំបួនរយម្ភៃប្រាំពាន់បីរយហុកសិបរៀលគត់) ។ មន្ត្រីនគរបាលពិការចំនួន១៨នាក់ ស្មើនឹងទឹកប្រាក់សរុបចំនួន ៣៥៨.៩១៣.៥២០ រៀល (បីរយហាសិបប្រាំបីលានប្រាំបួនរយដប់បីពាន់ប្រាំរយម្ភៃរៀលគត់)។ មន្ត្រីនគរបាលមរណៈចំនួន១៤នាក់ ស្មើនឹងទឹកប្រាក់សរុបចំនួន ២០៥.៨១៨.៤៥០ រៀល (ពីររយប្រាំលានប្រាំបីរយដប់ប្រាំបីពាន់បួនរយហាសិបរៀលគត់)។
ដោយឡែកក្នុងនោះក៏មានប្រាក់ឧបត្ថម្ភចំនួន០២ផ្នែកទៀតគឺ ៖ប្រាក់សម្រាប់បូជាសពចំនួន១៤នាក់ ស្មើនឹងទឹកប្រាក់សរុបចំនួន ៧៥.៨២៧.៨៥០ រៀល (ចិតសិបប្រាំលានប្រាំបីរយម្ភៃប្រាំពីរពាន់ប្រាំបីរយហាសិបរៀលគត់)។ និងប្រាក់ឧបត្ថម្ភមួយលើកដំបូងចំនួន១៤នាក់ ស្មើនឹងទឹកប្រាក់សរុបចំនួន ១២៩.៩៩០.៦០០ រៀល (មួយរយម្ភៃប្រាំបួនលានប្រាំបួនរយកៅសិបពាន់ប្រាំមួយរយរៀលគត់) ៕
ចំនួនអ្នកទស្សនា
- ថ្ងៃនេះ13181
- ម្សិលមិញ20231
- សប្តាហ៍នេះ92261
- ខែនេះ114141
- ឆ្នាំនេះ114141
- សរុប20556597