ទឹកជំនន់បានជនលិចស្រូវប្រមាណជាង១,០០០ហិតានិងផ្លូវលំនិងទំនប់ត្រូវបានដាច់ដែលប្រឈមប៉ះពាល់៤ភូមិឃុំស្ពានស្រែង
20-September-2019 | ដោយ ពលមនសិការ
បន្ទាយមានជ័យ៖ ទឹកជំនន់បានជនលិចស្រូវប្រមាណជាង១,០០០ហិតា និងផ្លូវលំ និងទំនប់ ត្រូវបានហូរដាច់ដែលប្រឈមប៉ះពាល់៤ភូមិ ឃុំស្ពានស្រែង ស្រុកភ្នំស្រុក។
មេឃុំស្ពានស្រែងបានប្រាប់នៅថ្ងៃទី១៩ ខែកញ្ញា ឆ្នាំ២០១៩ថា៖ស្រូវប្រមាណជាង១,០០០ហិតា ត្រូវបានទឹកជន់លិចរយៈពេល៣ទៅ៤ថ្ងៃ មកហើយដែលប្រឈមប៉ះពាល់៤ភូមិមានភូមិស្ពាន ភូមិគោកចារ ភូមិកណ្តាល ភូមិពង្រ ស្ថិតក្នុងឃុំស្ពានស្រែក ស្រុកភ្នំស្រុក ហើយទឹកហូរដាច់ផ្លូវ និងខ្នងទំនប់។
មេឃុំបានបញ្ជាក់ថា៖ទឹកជំនន់ដែលជនលិចស្រូវប្រជាកសិករនេះគឺទឹកហូរធ្លាក់ពីស្រុកអន្លង់វែង ខេត្តឧត្តរមានជ័យហូរធ្លាក់លិចស្រូវស្រាល និងស្រូវធ្ងន់៣ទៅ៤ថ្ងៃ មកហើយបើសិនជាទឹកមិនស្រករយៈពេល៧ទៅ១០ថ្ងៃ ស្រូវដែលប៉ះពាល់លិចអាចរលួយខូចបាន។
លោក យឹម សំណាង អភិបាលស្រុកភ្នំស្រុកបានបញ្ជាក់ថា៖នៅឃុំស្ពានស្រែកនេះគឺប្រឈមទឹកជំនន់ធ្លាក់ពីស្រុកអន្លង់វែងខេត្តឧត្តរមានជ័យ បើមានទឹកជំនន់ជនលិចហើយស្រង់លិចនៅឃុំស្ពានស្រែក ជាក់ស្តែងនៅពេលនេះដែលកំពុងលិចស្រូវប្រមាណជាង១,០០០ហិតា ដែលកំពុងរកដំណោះស្រាយធ្វើយ៉ាងណាកំអោយប៉ះពាល់ស្រូវប្រជាកសិករឡើយ។
លោកបានបញ្ជាក់ថា៖ស្រុកភ្នំស្រុកឆ្នាំនេះគឺជួបគ្រោះមហន្តរាយនៅដើមឆ្នាំប្រជាកសិករធ្វើស្រែដើមរដូវបណ្តាលជួបគ្រោះរាំងស្ងួតងាប់ស្រូវបណ្តាលខូចខាតជាច្រើនហិតាតែហើយនៅពេលនេះជួបគ្រោះទឹកជំនន់បានជន់លិចស្រូវប្រជាកសិករនិងទឹកហូតកាត់ផ្លូវនិងខ្នងទំនប់ជាច្រើនកន្លែង៕
ចំនួនអ្នកទស្សនា
- ថ្ងៃនេះ11201
- ម្សិលមិញ20231
- សប្តាហ៍នេះ90281
- ខែនេះ112161
- ឆ្នាំនេះ112161
- សរុប20554617