នាយឧត្តមសេនីយ៍ កែ គឹមយ៉ាន៖ ផ្លែផ្កា នៃសន្តិភាពបានធ្វើឲ្យក្រុងប៉ោយប៉ែត មានការអភិវឌ្ឍ ប្រែមុខមាត់ថ្មីយ៉ាងខ្លាំង
20-September-2019 | ដោយ ពលមនសិការ
បន្ទាយមានជ័យ៖ នៅថ្ងៃទី២០ ខែកញ្ញា ឆ្នាំ២០១៩ ឯកឧត្តម នាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ប្រធានក្រុមការងារថ្នាក់ជាតិចុះមូលដ្ឋាន ខេត្តបន្ទាយមានជ័យ តំណាងរាស្ត្រ និងលោកជំទាវ ម៉ៅ ម៉ាល័យ កែ គឹមយ៉ាន អមដំណើរដោយឯកឧត្តម លោកជំទាវ ជាក្រុមការងារពីថ្នាក់ជាតិ ថ្នាក់ក្រោមជាតិ និងអាជ្ញាធរមូលដ្ឋាន បានអញ្ជើញដឹកនាំបុណ្យកាន់បិណ្ឌវេនទី៧ នៅវត្តប្រជាធម្មត្រ័យ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យដែលមានអ្នកចូលរួមជាង១០០០នាក់។
ក្នុងឱកាសនេះ ឯកឧត្តម នាយឧត្តមសេនីយ៍ កែ គឹមយ៉ាន បានមានមតិពាំនាំការផ្ដាំផ្ញើសួរសុខទុក្ខ និងជូនពរពី សម្តេចវិបុលសេនាភក្តី សាយ ឈុំ ប្រធានព្រឹទ្ធសភា សម្តេចអគ្គមហាពញាចក្រី ហេង សំរិន ប្រធានរដ្ឋសភា និងសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ជូនចំពោះ អាជ្ញាធរគ្រប់លំដាប់ថ្នាក់ កងកម្លាំងប្រដាប់អាវុធ ពិសេសបងប្អូនប្រជាពលរដ្ឋក្រុងប៉ោយប៉ែតទាំងអស់។
ក្នុងឱកាសនោះដែរ ឯកឧត្ដម នាយឧត្តមសេនីយ៍ កែ គឹមយ៉ាន បានលើកឡើងថាយុទ្ធសាស្ត្រ ឈ្នះឈ្នះរបស់សម្តេចតេជោហ៊ុន សែន បាននាំកម្ពុជាដែលមានប្រវត្តិអតីតកាលលំបាកខ្លាំងណាស់ ធ្វើពលិកម្មគ្រប់បែបយ៉ាងទម្រាំមានសុខសន្តិភាព និងការអភិវឌ្ឍដូចពេលបច្ចុប្បន្នដោយបានរើបម្រាស់ចេញពីស្ថានភាពនៃភ្លើងសង្គ្រាមដ៏សែនលំបាក ក្រីក្រដោយប្រើដៃម្ខាងអភិវឌ្ឍន៍ប្រទេស និងដៃម្ខាងទៀតការពារការប៉ុនប៉ងត្រឡប់មកវិញ នៃរបបប្រល័យពូជសាសន៍ប៉ុលពត មកជាប្រទេសមានចំណូលមធ្យមកម្រិតទាប និងបានកំពុងប្រឹងប្រែងឈានទៅប្រទេសជាមានចំណូលមធ្យមកម្រិតខ្ពស់នៅឆ្នាំ២០៣០ និងប្រទេសអភិវឌ្ឍន៍នៅឆ្នាំ២០៥០។
ជាមួយគ្នានេះ ឯកឧត្តម នាយឧត្តមសេនីយ៍ កែ គឹមយ៉ាន បានថ្លែងបន្តទៀតថា ផ្លែផ្កានៃសន្តិភាពបានធ្វើឲ្យក្រុងប៉ោយប៉ែតមានការអភិវឌ្ឍ និងប្រែប្រួលមុខមាត់ថ្មីខ្លាំងដោយមានការអភិវឌ្ឍលើវិស័យឧស្សាហកម្មរោងចក្របង្កើតការងារបង្កើនចំណូលគ្រួសារក្មួយៗក៏ដូចជាប្រជាពលរដ្ឋយើងដល់មូលដ្ឋានភូមិសង្កាត់យើងតែម្តងដោយកាត់បន្ថយបានការធ្វើចំណាកស្រុកទៅធ្វើការក្រៅប្រទេសដែលអាចប្រឈមបញ្ហាផ្សេងៗ។
ក្នុងនាមជាពុទ្ធសាសនិកឧបត្ថម្ភ ឯកឧត្តម នាយឧត្តមសេនីយ៍ កែ គឹមយ៉ាន និងលោកជំទាវ ម៉ៅ ម៉ាល័យ កែ គឹមយ៉ាន បាននាំយកទេយ្យទាន បច្ច័យវេរប្រគេន និងអំណោយផ្តល់ជូនៈ
១.វត្តប្រជាធម្មត្រ័យ មានទឹកសុទ្ធ ទឹកក្រូច ទឹកផ្លែឈើ មី ទឹកស៊ីអ៊ីវ ទឹកត្រី អង្ករ ៥០០គ.ក្រ ប្រគេនព្រះសង្ឃ៤០អង្គ ក្នុងមួយៗអង្គ បច្ច័យ២ម៉ឺនរៀល ស៊ីម៉ង់ត៍១៥០តោន និងបច្ច័យបច្ច័យកាន់បិណ្ឌវេនទី៧សរុប៧.៦៥០.០០០រៀលនិង៣០.០០០ដុល្លារ
២.អ្នកចូលរួម១០០០នាក់ ក្នុងម្នាក់ៗ សារុង១ ថវិកា១ម៉ឺនរៀល។
នៅព្រឹកថ្ងៃដដែលនោះ ក្រោយបញ្ចប់ពិធីបុណ្យកាន់បិណ្ឌវេនទី៧រួចមកឯកឧត្តម នាយឧត្តមសេនីយ៍ កែ គឹមយ៉ាន និងលោកជំទាវ ម៉ៅ ម៉ាល័យ កែ គឹមយ៉ាន អមដំណើរដោយក្រុមការងារបានចុះទៅពិនិត្យមើលព្រះវិហារ និងសាលាឆាននៅវត្តចំនួន២ ដោយបានវេរប្រគេននូវៈ
១.វត្តនិម្មិតកូនដំរី ប្រគេនស៊ីម៉ង់ត៍៥០តោន និងបច្ច័យ២០លានរៀល
២.វត្តថ្មសិន ប្រគេនស៊ីម៉ង់ត៍៥០តោន និងបច្ច័យ២០លានរៀល ៕
ចំនួនអ្នកទស្សនា
- ថ្ងៃនេះ10921
- ម្សិលមិញ20231
- សប្តាហ៍នេះ90001
- ខែនេះ111881
- ឆ្នាំនេះ111881
- សរុប20554337