កាលពីដើមឆ្នាំជួបគ្រោះរាំងស្ងួត ដល់ពាក់កណ្តាលឆ្នាំទឹកជំនន់ បណ្តាលឲ្យលិចលង់ទៀត នៅខេត្តបន្ទាយមានជ័យ
20-September-2019 | ដោយ ពលមនសិការ
បន្ទាយមានជ័យ៖ ស្ថានភាពទឹកអាជ្ញាធរ និងមន្ទីរជំនាញត្រូវយកចិត្តទុកដាក់តាមដានមើលទោះជាខេត្តបន្ទាយមានជ័យ មិនទាន់មានការលិចលង់យ៉ាងណាក៏ដោយ លោកឧបនាយករដ្ឋមន្ត្រី កែ គឹមយ៉ាន បានណែនាំនៅពេលចុះពិនិត្យស្ថានភាពទឹកកាលពីថ្ងៃទី១៩ ខែកញ្ញា ឆ្នាំ២០១៩ នៅស្រុកមង្គលបូរី។
លោក យឹម ប៊ុនរ៉ុម ប្រធានមន្ទីរធនធានទឹក និងឧតុនិយមខេត្តបន្ទាយមានជ័យ បានរាយការណ៍ថា៖ខេត្តបន្ទាយមានជ័យនៅពេលនេះមានទឹកជំនន់បណ្តាលប៉ះពាល់ឃុំស្ពានស្រែង ស្រុកភ្នំស្រុក មានចំនួន៤ភូមិ និងលិចស្រូវប្រជាកសិករដោយទឹកជំនន់ធ្លាក់ពី ស្រុកអន្លងវែង ខេត្តឧត្តរមានជ័យ។
លោកបានបញ្ជាក់ថា៖ស្ថានភាពទឹកខេត្តបន្ទាយមានជ័យឆ្នាំ២០១៩នេះ កាលពីដើមឆ្នាំជួបគ្រោះរាំងស្ងួត បានអូសបន្លាយបណ្តាលស្រូវប្រជាកសិករងាប់ខូចជាច្រើនហិតា ហើយដល់ពាក់កណ្តាលឆ្នាំនេះ ទឹកបានជនលិចស្រូវ និងផ្លូវឃុំស្ពានស្រែង ស្រុកភ្នំស្រុក ដែលកំពុងដោះស្រាយមិនអោយប៉ះពាល់ស្រូវប្រជាកសិករឡើយ។
លោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀនបានណែនាំដល់អាជ្ញាធរខេត្ត.ស្រុក/ក្រុង និងមន្ទីពាក់ព័ន្ធត្រូវតាមដានស្ថានភាពទឹក ព្រោះមានខេត្តមួយចំនួនកំពុងប្រឈមការលិចលង់ ហើយជាក់ស្តែងថ្ងៃទី១៩ ខែកញ្ញា ឆ្នាំ២០១៩នេះ ខេត្តបន្ទាយមានជ័យមានស្រុកភ្នំស្រុក មានទឹកជំនន់ធ្លាក់ពីខាងលើជនលិចស្រូវប្រជាកសិរ និងដាច់ផ្លូវលំនិងទំនប់។
លោកបានឲ្យអាជ្ញាធរ និងមន្ទីជំនាញត្រូវសិក្សានិងពិនិត្យមើលនិងស្តារប្រឡាយដែលជាប្រព័ន្ធរំដោះទឹកនៅពេលដែលមានទឹកជំនន់កើតឡើង ត្រូវដោះស្រាយអោយបានទាន់ពេលដើម្បីការពារមុនពេលកើតឡើង។ និងរក្សាស្តប់ទឹកទុកនៅក្នុងអាងត្រពាំងអូរស្ទឹងបឹងបួរប្រឡាយដើម្បីធានាសម្រាប់ប្រើប្រាស់ និងបង្កបង្កើនផល៕
ចំនួនអ្នកទស្សនា
- ថ្ងៃនេះ11561
- ម្សិលមិញ20231
- សប្តាហ៍នេះ90641
- ខែនេះ112521
- ឆ្នាំនេះ112521
- សរុប20554977