នគរបាលព្រហ្មទណ្ឌកំរិតស្រាលរាជធានីភ្នំពេញ បញ្ជូនជនសង្ស័យ២នាក់ ទៅតុលាការ
20-September-2019 | ដោយ ពលមនសិការ
ភ្នំពេញ៖ កាលពីថ្ងៃទី១៨ ខែកញ្ញា ឆ្នាំ២០១៩ វេលាម៉ោងប្រហែល១៧និង១៥នាទី កម្លាំងការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញឃាត់ខ្លួនជនសង្ស័យចំនួន០២នាក់ ពីបទ អំពើលួចមានស្ថានទម្ងន់ទោសដោយសារប្រើអំពើហិង្សា (ឆក់ទូរស័ព្ទដៃម៉ាកIPhoneX ពណ៌ស នៅចំណុចមុខផ្ទះលេខ៧១អឺ០ ផ្លូវព្រះស៊ីសុវត្ថិ ក្រុម៩៩ សង្កាត់វត្តភ្នំ ខណ្ឌដូនពេញ រាជធានីភ្នំពេញ។
ជនសង្ស័យទី១-ឈ្មោះ ឃឿន ឧត្តម ភេទប្រុស អាយុ១៦ឆ្នាំ ជនជាតិខ្មែរ មុខរបរសិស្សវិទ្យាល័យ ហ៊ុន សែន ប៊ុន រ៉ានី វត្តភ្នំ ស្នាក់នៅផ្ទះលេខ១៤១ ផ្លូវលេខ៨០ សង្កាត់ស្រះចក ខណ្ឌដូនពេញ រាជធានីភ្នំពេញ, ទី២-ឈ្មោះ សន សុភារៈ ភេទប្រុស អាយុ១៦ឆ្នាំ ជនជាតិខ្មែរ មុខរបរសិស្សវិទ្យាល័យ ហ៊ុន សែន ប៊ុន រ៉ានី វត្តភ្នំ ស្នាក់នៅផ្ទះគ្មានលេខ ផ្លូវលំ ភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។
វត្ថុតាងចាប់យក៖ ម៉ូតូម៉ាកស៊ុយហ្សុយគីនិច ពណ៌ស ឆ្នាំផលិត២០១៤ លេខតួ លេខម៉ាស៊ីន ៣១៨៩១៥ ពាក់ស្លាកលេខ ភ្នំពេញ១GD-៤៥៣៤, ទូរស័ព្ទដៃម៉ាកIPhoneX ពណ៌ស។
ជនរងគ្រោះឈ្មោះ ឈាន ល័ក្ខ ភេទស្រី អាយុ២៧ឆ្នាំ ជនជាតិខ្មែរ មានទីលំនៅផ្ទះជួលគ្មានលេខ ផ្លូវមិនចាំលេខ សង្កាត់ស្រះចក ខណ្ឌដូនពេញ រាជធានីភ្នំពេញ មុខរបរនៅផ្ទះ។
បច្ចុប្បន្នជនសង្ស័យនិងវត្ថុតាងខាងលើការិយាល័យបានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ12511
- ម្សិលមិញ20231
- សប្តាហ៍នេះ91591
- ខែនេះ113471
- ឆ្នាំនេះ113471
- សរុប20555927