លោកស្នងការនគរបាលខេត្តកំពង់ធំ អញ្ជើញសំណេះសំណាល និងបំពាក់អាវពោង សុវត្ថិភាព ជូនដល់កងកម្លាំង
24-September-2019 | ដោយ ពលមនសិការ
កំពង់ធំ៖ នៅថ្ងៃអង្គារ ១១រោច ខែភទ្របទ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២៤ ខែកញ្ញា ឆ្នាំ២០១៩ វេលាម៉ោង០៨និង ៣០នាទី លោកឧត្តមសេនីយ៍ទោ អ៊ុក កុសល ស្នងការនគរបាលខេត្តកំពង់ធំ និងលោក ម៉ាក់ ប៊ុនហុង អភិបាលក្រុងស្ទឹងសែន បានអញ្ជើញចុះសំណេះសំណាលសួរសុខទុក្ខ ដល់កងកម្លាំងនគរបាល នៃអធិការដ្ឋាននគរបាលក្រុងស្ទឹងសែន។
ឧត្តមសេនីយ៍ទោ អ៊ុក កុសល ស្នងការនគរបាលខេត្តកំពង់ធំ បាននាំយកប្រសាសន៍ ផ្តាំផ្ញើសួរសុខទុក្ខរបស់ថ្នាក់ដឹកនាំ ជាពិសេសប្រសាសន៍ផ្តាំផ្ញើសួរសុខទុក្ខរបស់សម្តេច ក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ឯកឧត្តម សុខ លូ អភិបាលខេត្តកំពង់ធំ។ តាមរយៈលោកឧត្តមសេនីយ៍ទោ ស្នងការនគរបាលខេត្តកំពង់ធំ ក្នុងឱកាសដែលលោក បានចូលរួមក្នុងពិធីប្រជុំ កន្លងមកដែលជានិច្ចកាល ឯកឧត្តម ចង់ដឹង សុខទុក្ខ ជីវភាព ក្នុងការស់នៅ ជាប្រចាំថ្ងៃ របស់កងកម្លាំង ដែលបំពេញភារកិច្ចដើម្បីបុព្វហេតុជាតិមាតុភូមិ នៅតាមបណ្តាមូលដ្ឋានឃុំ-សង្កាត់។
ឧត្តមសេនីយ៍ទោ អ៊ុក កុសល ស្នងការនគរបាលខេត្តកំពង់ធំ បានកោតសរសើរ ដល់ថ្នាក់ដឹកនាំ នៃអង្គភាពអធិការដ្ឋានគរបាលក្រុងស្ទឹងសែន ដែលមានភាពរីកចម្រើនគួរកត់សម្គាល់ដូចជាសំណង់អាគារ ការិយាល័យសម្រាប់បំពេញភារកិច្ច កងកម្លាំងមានរបៀបរៀបរយ និងមានវិន័យក្នុងកងជួរបានល្អ ដែលស្ដែងចេញពីកត្តាសាមគ្គីភាពមានអង្គឯកភាព។
លោកឧត្តមសេនីយ៍ទោ ស្នងការនគរបាលខេត្ត បានលើកឡើង អំពីសភាពការណ៍ សន្តិសុខ សណ្តាប់ធ្នាប់សាធារណៈ ក្នុងមូលដ្ឋានទូទាំងខេត្តកំពង់ធំ មានលក្ខណៈស្ងប់ស្ងាត់ល្អ ប្រជាពលរដ្ឋ រស់នៅ មានភាពសុខដុមរមនា ដូច្នេះហើយក្នុងនាមយើងជាកងកម្លាំងប្រដាប់អាវុធ ត្រូវបន្តពង្រឹងសន្តិសុខ សណ្តាប់ធ្នាប់សាធារណៈ ឲ្យបានរឹងមាំបន្ថែមទៀត ដើម្បីភាពសុខសាន្តរបស់ប្រជាពលរដ្ឋ ព្រមទាំងការពារ រដ្ឋាភិបាលស្របច្បាប់ ការពារជាតិ សាសនា ព្រះមហាក្សត្រ ដែលជា កាតព្វកិច្ច របស់កងកម្លាំងយើង ហើយប្រឆាំងដាច់ខាតរាល់ ឧបាយកលរបស់ពួកឧទ្ទាមប្រឆាំងក្រៅច្បាប់ ដែលតែងតែធ្វើសកម្មភាពបង្ករឲ្យមានភាពអសន្ដិសុខ តាមរយៈសកម្មភាពផ្សេងៗធ្វើឲ្យបាត់បង់សណ្តាប់ធ្នាប់សង្គម។
ឧត្តមសេនីយ៍ទោ អ៊ុក កុសល ស្នងការនគរបាលខេត្តកំពង់ធំ និង លោ ម៉ាក់ ប៊ុនហុង អភិបាលក្រុងស្ទឹងសែន បានឧបត្ថម្ភ ថវិកាមួយចំនួន ដល់អធិការដ្ឋាននគរបាលក្រុងស្ទឹងសែន និងប៉ុស្តិ៍នគរបាលរដ្ឋបាល សម្រាប់ចូលរួមកសាងអភិវឌ្ឍអង្គភាពបន្តទៀត។
ឆ្លៀតក្នុងឱកាសនោះដែរឧត្តមសេនីយ៍ទោ អ៊ុក កុសល ស្នងការនគរបាលខេត្តកំពង់ធំ បានចុះពិនិត្យស្ថានភាពទឹក ស្ទឹងសែន និងឧបត្ថម្ភ បំពាក់អាវពោង សុវត្ថិភាព ជូនដល់កងកម្លាំងសម្រាប់ចេញប្រតិបត្តិការ អន្តរាគមន៍ សង្គ្រោះ ដល់ប្រជាពលរដ្ឋ នាគ្រារងទុក្ខលំបាក ៕
.jpg)
.jpg)
ចំនួនអ្នកទស្សនា
- ថ្ងៃនេះ11621
- ម្សិលមិញ20231
- សប្តាហ៍នេះ90701
- ខែនេះ112581
- ឆ្នាំនេះ112581
- សរុប20555037