លោកឧត្តមសេនីយ៍ទោ ម៉ែន លី ដឹកនាំកិច្ចប្រជុំការងារ ប្រចាំសប្តាហ៍ និងលើកទិសដៅការងារអនុវត្តបន្ត
25-September-2019 | ដោយ ពលមនសិការ
ឧត្តរមានជ័យ៖ នាព្រឹកថ្ងៃទី២៥ ខែកញ្ញា ឆ្នាំ២០១៩ លោកឧត្តមសេនីយ៍ទោ ម៉ែន លី ស្នងការនគរបាលខេត្តឧត្តរមានជ័យ បានអញ្ជើញជាអធិបតីភាព ក្នុងកិច្ចប្រជុំការងារ ប្រចាំសប្តាហ៍ និងលើកទិសដៅការងារអនុវត្តបន្ត នៅសាលប្រជុំស្នងការដ្ឋាននគរបាលខេត្តឧត្តរមានជ័យ។
ដោយមានការអញ្ជើញចូលរួម លោកស្នងការរងទទួលផែន អនុប្រធានផែន លោកនាយការិយាល័យ នាយរងការិយាល័យ លោកអធិការ-អធិការរង អធិការដ្ឋាននគរបាលក្រុងសំរោង លោកនាយ នាយរងផ្នែក ចំណុះឲ្យការិយាល័យជំនាញ ចូលរួមប្រមាណ១២០នាក់។
លោកវរសេនីយ៍ឯក ព្រំ ប៊ុនរិទ្ធ នាយការិយាល័យសរុបវិភាគ បានអានផែនការសកម្មភាព ស្ដីពីការអនុវត្តការងារប្រចាំសប្តាហ៍កន្លងទៅ។
ពិធីប្រជុំនេះមានគោលបំណងពង្រឹងវិន័យ សមត្ថភាពការងារកងកម្លាំងនគរបាលជាតិតាមប្រសាសន៍ របស់លោកឧត្តមសេនីយ៍ទោ ម៉ែន លី ស្នងការនគរបាលខេត្ត៖ត្រូវពង្រឹងការងារសន្តិសុខ សុវត្ថិភាព សណ្តាប់ធ្នាប់ សាធារណៈ ជូនបងប្អូនប្រជាពលរដ្ឋ ដែលអញ្ជើញមកលេងស្រុកកំណើត ក្នុងឱកាសបុណ្យភ្ជុំបិណ្ឌឆ្នាំនេះ និងអនុវត្តឲ្យបានសកម្មភាពនូវគោលនយោបាយភូមិ ឃុំមានសុវត្ថិភាពដើម្បីកាត់បន្ថយ បទល្មើសគ្រប់ប្រភេទក្នុងពិធីបុណ្យកាន់បិណ្ឌ ភ្ជុំបិណ្ឌដែលខិតជិតមកដល់នាពេលខាងមុខ។ កម្លាំងជំនាញត្រូវពង្រឹងការចុះល្បាត ការចុះពួនស្ទាក់ នៅគោលដៅងាយរងគ្រោះ បង្ក្រាបក្មេងទំនើងដែល អុកឡុក បង្កការរំខានដល់បងប្អូនប្រជាពលរដ្ឋក្នុងខេត្ត។
ពិសេសអនុវត្តយ៉ាងម៉ឺងម៉ាត់តាមសេចក្តីណែនាំលេខ០១៩ របស់ក្រសួងមហាផ្ទៃ ប្រកបដោយក្រមសីលធម៌វិជ្ជាជីវ:នគរបាលជាតិ ឲ្យមានប្រសិទ្ធិភាពខ្ពស់ ៕
ចំនួនអ្នកទស្សនា
- ថ្ងៃនេះ11391
- ម្សិលមិញ20231
- សប្តាហ៍នេះ90471
- ខែនេះ112351
- ឆ្នាំនេះ112351
- សរុប20554807