រថយន្តបុកម៉ូតូ បណ្តាលឲ្យប្តីនិងប្រពន្ធស្លាប់ភ្លាមៗ នៅកន្លែងកើតហេតុ
25-September-2019 | ដោយ ពលមនសិការ
រតនគិរី៖ ប្តីនិងប្រពន្ធបានស្លាប់ភ្លាមៗនៅកន្លែងកើតហេតុក្នុងករណីគ្រោះថ្នាក់ចរាចរណ៍រវាងរថយន្តតូយូតាកែច្នៃ និងម៉ូតូ។ ឧបទ្ទវហេតុខាងលើបានកើតឡើងនៅវេលាម៉ោង១៨និង២០នាទី កាលពីថ្ងៃទី២៤ ខែកញ្ញា ឆ្នាំ២០១៩ នៅចំណុចមុខចំការយាយភូមិម៉ី ស្ថិតនៅភូមតាអង ស្រុកកូនមុំខេត្តរតនគិរី។
សមត្ថកិច្ចបានឲ្យដឹងថាជនរងគ្រោះទី១-អ្នកបើកបរម៉ូតូវ៉េវគ្មានស្លាកលេខមានឈ្មោះ ញុត ភេទប្រុស អាយុ៤៣ឆ្នាំ ជនជាតិក្រឹង រស់នៅភូមិ៣ សង្កាត់កាចាញ ក្រុងបានលុងខេត្តរតនគិរី(ស្លាប់), ទី២-អ្នករួមដំណើរឈ្មោះ កំ ពត ភេទស្រី អាយុ៤២ឆ្នាំ ជនជាតិក្រឹង រស់នៅភូមិជាមួយគ្នាត្រូវជាប្រពន្ធ(ស្លាប់)។ ចំណែកអ្នកបើកបរថយន្តបានរត់គេចខ្លួនបាត់។ ក្រោយកើតហេតុសពត្រូវបានសមត្ថកិច្ចបញ្ជូនទៅកាន់មន្ទីរពេទ្យបង្អែកខេត្តរតនគិរីដើម្បីរងចាំសាច់ញាតិយកទៅធ្វើបុណ្យតាមប្រពៃណី ៕
ចំនួនអ្នកទស្សនា
- ថ្ងៃនេះ11271
- ម្សិលមិញ20231
- សប្តាហ៍នេះ90351
- ខែនេះ112231
- ឆ្នាំនេះ112231
- សរុប20554687