ជនជាតិនីហ្សេរីយ៉ាម្នាក់ ឲ្យសមត្ថកិច្ចជួយបញ្ជូនរូបគេត្រឡប់ទៅប្រទេសដើមវិញ ព្រោះរូបគាត់ស្នាក់នៅលើសទិដ្ឋាការ
25-September-2019 | ដោយ ពលមនសិការ
ភ្នំពេញ៖ នៅថ្ងៃទី២៥ ខែកញ្ញា ឆ្នាំ២០១៩ វេលាម៉ោង១០នឹង៣០នាទី មានជនបរទេសម្នាក់ បានមកការិយាល័យស៊ើបអង្កេត និងអនុវត្តនីតិវិធី ផែនការងារអន្តោប្រវេសន៍ នៃស្នងការដ្ឋាននគរបាលរាជធានីភ្នំពេញ គោលបំណង់ឲ្យសមត្ថកិច្ចជួយបញ្ជូនរូបគេត្រឡប់ទៅប្រទេសដើមវិញ ព្រោះរូបគាត់ស្នាក់នៅលើសទិដ្ឋាការ(ផុតកំណត់ថ្ងៃទី១៧.០៦.២០១៧) និងគ្មានលទ្ធភាពបង់ថ្លៃបន្តទិដ្ឋាការស្នាក់នៅ។
លោកវរសេនីយ៍ទោ ជា ចិត្រា នាយការិយាល័យស៊ើបអង្កេត និងអនុវត្តនីតិវិធី បានឲ្យដឹងថាជនបរទេសខាងលើឈ្មោះ UGWUANYI KINGSLEY UGONNA ភេទប្រុស អាយុ៣២ឆ្នាំ ជនជាតិនីហ្សេរីយ៉ា ជននេះចូលមកព្រះរាជាណាកម្ពុជា នៅថ្ងៃទី២៩.០៩.២០១៥ តាមច្រកព្រលានយន្តហោះអន្តរជាតិភ្នំពេញ គោលបំណងទេសចរ ស្នាក់នៅបន្ទប់ជួលនៅម្ដុំចោមចៅ រយៈកាលស្នាក់នៅប្រទេសកម្ពុជារូបគេធ្វើជាគ្រូបង្រៀនភាសារអង់គ្លេសតាមផ្ទះ មូលហេតុដែលរូបគេមិនបន្តទិដ្ឋាការស្នាក់នៅ ព្រោះរូបគេគ្មានប្រាក់ដើម្បីបន្ត ត្រូវបានបញ្ជូនទៅនាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ ដើម្បីអនុវត្តនីតិវិធីបន្តនៃច្បាប់ ៕
ចំនួនអ្នកទស្សនា
- ថ្ងៃនេះ12751
- ម្សិលមិញ20231
- សប្តាហ៍នេះ91831
- ខែនេះ113711
- ឆ្នាំនេះ113711
- សរុប20556167