រថយន្តក្រុងរបស់ក្រុមហ៊ុន«រិទ្ធមុនី» ប្រល័យជីវិត មនុស្សទាំងព្រឹកព្រលឹម
01-October-2019 | ដោយ ពលមនសិការ
សៀមរាប៖ បុរសម្នាក់បានស្លាប់ភ្លាមៗនៅកន្លែងកើតហេតុ ក្នុងករណីគ្រោះថ្នាក់ចរាចរណ៍ នៅវេលាម៉ោង០៥នឹង៣០នាទីព្រឹក ថ្ងៃទី០១ ខែតុលា ឆ្នាំ២០១៩ នៅលើផ្លូវជាតិលេខ ៦A ភូមិគោករលួស ឃុំដំដែក ស្រុកសូទ្រនិគម ខេត្តសៀមរាប។
មន្ត្រីនគរបាលខេត្តសៀមរាប បានឲ្យដឹងថាមុនពេលកើតហេតុមាន រថយន្តមួយគ្រឿងរបស់ក្រុមហ៊ុនរិទ្ធមុនី ម៉ាកAERO QUEENHI CLASS ពណ៌ខៀវ លាយស ពាក់ស្លាកលេខ ភ្នំពេញ ៣C-៦៨៥៦ ធុនធំ៤៥កៅអីបើកបរដោយជនមិនស្គាល់អត្តសញ្ញាណក្នុងទិសដៅពីកើតទៅលិច បានបុកប៉ះជាមួយនឹងរថយន្ត ម៉ាកកាមរីឆ្លាមពណ៌សំបកឪឡឹក ពាក់ស្លាកលេខ កំពង់ចាម ២A-៣០៨៣ បើកបរដោយឈ្មោះ សឿង គា ភេទប្រុស អាយុ៤២ឆ្នាំ សញ្ជាតិខ្មែរ ជនជាតិខ្មែរ មានទីលំនៅភូមិស្រយ៉ូវ ឃុំពុកយុក ស្រុកស្ទឹងសែន ខេត្តកំពង់ធំ បើកបរក្នុងទិសដៅពីលិចទៅកើត (បញ្ច្រាសទិសគ្នា)បណ្ដាលឲ្យស្លាប់ ឈ្មោះ សឿង គា ជាអ្នកបើកបររថយន្តម៉ាកកាមរីឆ្លាម បណ្តាលអោយខូចខាតរថយន្តម៉ាកកាមរីឆ្លាម (ធ្ងន់) និងខូចខាតរថយន្តក្រុង៤៥កៅអី(ធ្ងន់)។
ក្រោយពេលកើតហេតុ សមត្ថកិច្ចបានចុះវាស់វែង និងបញ្ជូនជនរងគ្រោះទៅមន្ទីរពេទ្យ និងសាកសពជនរងគ្រោះសមត្ថកិច្ចបានប្រគល់ក្រុមគ្រួសារសពយកទៅធ្វើបុណ្យតាមប្រពៃណី ចំណែកអ្នកបើកបររថយន្តក្រុងបានចុះរត់គេចខ្លួនបាត់ពីកន្លែងកើតហេតុ ហើយសមត្ថកិច្ចកំពុងស្រាវជ្រាវរកជនសង្ស័យដែលរត់គេចខ្លួន ៕
ចំនួនអ្នកទស្សនា
- ថ្ងៃនេះ11121
- ម្សិលមិញ20231
- សប្តាហ៍នេះ90201
- ខែនេះ112081
- ឆ្នាំនេះ112081
- សរុប20554537