បញ្ជូនជនសង្ស័យម្នាក់ ពាក់ព័ន្ធករណីប្រើប្រាស់និងជួញដូរ ចែកចាយគ្រឿងញៀនដោយខុសច្បាប់ទៅតុលាការ
16-October-2019 | ដោយ ពលមនសិការ
កែប៖ នៅព្រឹកថ្ងៃទី១៦ តុលា ២០១៩ កម្លាំងការិយាល័យប្រឆាំងគ្រឿងញៀន បានបញ្ជូនជនសង្ស័យពាក់ព័ន្ធការចរាចរចែកចាយជួញដូរ និងប្រើប្រាស់គ្រឿងញៀនដោយខុសច្បាប់ម្នាក់ ទៅសាលាដំបូងខេត្ត ដើម្បីចាត់ការតាមនីតិវិធីច្បាប់បន្ត។
ដោយអនុវត្តន៍តាមផែនការ និងការដឹកនាំចង្អុលបង្ហាញពីលោកឧត្តមសេនីយ៍ត្រី បែន តារា ស្នងការនគរបាលខេត្តកែប ល្ងាចថ្ងៃទី១៤ ខែតុលា ឆ្នាំ២០១៩ ការិយាល័យប្រឆាំងគ្រឿងញៀន សហការជាមួយកម្លាំងអន្តរាគមន៍ពិសេស ស្នងការនគរបាលខេត្តកែប បានពួនស្ទាក់ចាប់ការចរាចរ ចែកចាយ ជួញដូរ និងប្រើប្រាស់គ្រឿងញៀនដោយខុសច្បាប់មួយករណី នៅចំណុចមុខផ្ទះសំណាក់តារាលុច្ស ក្នុងភូមិថ្មី សង្កាត់ព្រៃធំ ក្រុង/ខេត្តកែប។
ករណីខាងលើនគរបាលយើងដកហូតជាក់ស្តែងបានថ្នាំញៀន២កញ្ចប់តូច ដែលសាម៉ីជនទទួលស្គាល់ថាជាម៉ាទឹកកក ទូរសព្ទ៣គ្រឿង និងឧបករណ៍សំរាប់ជក់១។
ជនសង្ស័យមានឈ្មោះ ទ្បាយ សុភារម្យ ភេទប្រុស អាយុ២៥ឆ្នាំ ជាបុគ្គលិកបឹងកាឡូម៉ាសាដា ទីតាំងនៅកន្លែងកើតហេតុខាងលើ។
ក្រោយការចាប់ខ្លួនយើងបាននាំជនសង្ស័យមកកាន់ស្នងការដ្ឋាននគរបាលខេត្ត ដើម្បីបន្តនីតិវិធី និងកសាងសំណុំរឿងដើម្បីបញ្ជូនទៅសាលាដំបូងខេត្តកំពត ពេលនេះតុលាការសម្រេចចេញដីការឃុំខ្លួនហើយ ៕
ចំនួនអ្នកទស្សនា
- ថ្ងៃនេះ10621
- ម្សិលមិញ20231
- សប្តាហ៍នេះ89701
- ខែនេះ111581
- ឆ្នាំនេះ111581
- សរុប20554037