សម្តេច​វិបុល​សេនា​ភក្តី​ សាយ​ ឈុំ​ ដឹកនាំ​កិច្ចប្រជុំ​គណៈកម្មាធិការ​អចិន្ត្រៃយ៍​ព្រឹទ្ធសភា​

17-October-2019 | ដោយ ពលមនសិការ

​ភ្នំពេញ​៖​ នា​ព្រឹក​ថ្ងៃ​ព្រហស្បតិ៍​ ទី​១៧​ ខែតុលា​ ឆ្នាំ​២០១៩​ គណៈកម្មាធិការ​អចិន្ត្រៃយ៍​ព្រឹទ្ធសភា​ បាន​បើក​កិច្ចប្រជុំ​ ក្រោម​អធិបតីភាព​ដ៏​ខ្ពង់ខ្ពស់​របស់​ សម្តេច​វិបុល​សេនា​ភក្តី​ សាយ​ ឈុំ​ ប្រធាន​ព្រឹទ្ធសភា​ នៃ​ព្រះរាជាណាចក្រ​កម្ពុជា​។​

​បន្ទាប់​ពី​បាន​ពិនិត្យ​ និង​ពិភាក្សា​រួច​មក​ គណៈកម្មាធិការ​អចិន្ត្រៃយ៍​ព្រឹទ្ធសភា​ បាន​កំណត់​យក​ថ្ងៃ​សុក្រ​ ទី​១៨​ ខែតុលា​ ឆ្នាំ​២០១៩​ វេលា​ម៉ោង​៨៖០០​នាទី​ព្រឹក​ ដើម្បី​ប្រជុំ​វិសាមញ្ញ​ព្រឹទ្ធសភា​ នីតិកាល​ទី​៤​ ដោយ​មាន​របៀបវារៈ​ដូច​ខាងក្រោម​ ៖​
១-​ការ​ប្រកាស​ទទួលស្គាល់​សមាជិក​ព្រឹទ្ធសភា​ថ្មី​ នីតិកាល​ទី​៤​។​ ​
២-​ពិនិត្យ​ និង​ឱ្យ​យោបល់​លើ​សេចក្តីព្រាងច្បាប់​ស្តី​ពី​ ការ​អនុម័ត​យល់ព្រម​លើ​កិច្ចព្រមព្រៀង​រវាង​ព្រះរាជាណាចក្រ​កម្ពុជា​ និង​អង្គការ​ហាមឃាត់​អាវុធ​គីមី​ស្តី​ពី​ បុព្វសិទ្ធិ​ និង​អភ័យឯកសិទ្ធិ​របស់​អង្គការ​ហាមឃាត់​អាវុធ​គីមី​។​
៣-​ពិនិត្យ​ និង​ឱ្យ​យោបល់​លើ​សេចក្តីព្រាងច្បាប់​ស្តី​ពី​ សំណង់​។​
៤-​ពិនិត្យ​ និង​ឱ្យ​យោបល់​លើ​សេចក្តីព្រាងច្បាប់​ស្តី​ពី​ ពាណិជ្ជកម្ម​តាម​ប្រព័ន្ធ​អេ​ឡិច​ត្រូ​និក​។​
៥-​ពិនិត្យ​ និង​ឱ្យ​យោបល់​លើ​សេចក្តីព្រាងច្បាប់​ស្តី​ពី​ កិច្ច​ការពារ​អ្នក​ប្រើប្រាស់​។​
៦-​ ពិនិត្យ​ និង​ឱ្យ​យោបល់​លើ​សេចក្តីព្រាងច្បាប់​ស្តី​ពី​ របប​សន្តិសុខ​សង្គម​។​
៧-​ការ​បោះ​ឆ្នោត​ជ្រើសរើស​បំពេញ​សមាជិក​គណៈកម្មការ​អប់រំ​ យុវជន​ កីឡា​ ធម្មការ​ សាសនា​ វប្បធម៌​ វិចិត្រសិល្បៈ​ និង​ទេសចរណ៍​ នៃ​ព្រឹទ្ធសភា​៕

 

ចំនួនអ្នកទស្សនា

    19475717

  • ថ្ងៃនេះ1271
  • ម្សិលមិញ2971
  • សប្តាហ៍នេះ12421
  • ខែនេះ70861
  • ឆ្នាំនេះ248271
  • សរុប19475717