នគរបាលស្រុកព្រៃនប់ ឃាត់ខ្លួនមុខសញ្ញាជួញដូរគ្រឿងញៀនម្នាក់ ដកហូតថ្នាំញៀនជាច្រើនកញ្ចប់
21-October-2019 | ដោយ ពលមនសិការ
ព្រះសីហនុ៖ មុខសញ្ញាជួញដូរគ្រឿងញៀនម្នាក់ រួមជាមួយគ្រឿងញៀនជាច្រើនកញ្ចប់ត្រូវបានកម្លាំងនគរបាលស្រុកព្រៃនប់ បង្ក្រាបជាក់ស្តែង នៅថ្ងៃចន្ទ ៨រោច ខែអស្សុជ ឆ្នាំកុរ ឯកស័ក ពុទ្ធសករាជ២៥៦៣ ត្រូវនឹងថ្ងៃទី២១ខែតុលាឆ្នាំ២០១៩ វេលាម៉ោង១៤នឹង២០នាទី នៅចំណុចស្ថិតក្នុងភូមិសារាយ ឃុំជើងគោ ស្រុកព្រៃនប់ ខេត្តព្រះសីហនុ។
មន្ត្រីនគរបាលខេត្តព្រះសីហនុបានឱ្យដឹងថាជនសង្ស័យឈ្មោះ ហេង ប៊ុនធឿន ភេទប្រុស អាយុ៤០ឆ្នាំ មានទីលំនៅ ភូមិតាពៅ ឃុំតានៃ ស្រុកព្រៃនប់ ខេត្តព្រះសីហនុ មុខរបរមិនពិតប្រាកដ។
ដកហូតវត្ថុតាងរួមមានៈម្សៅក្រាមសថ្លាសង្ស័យសារធាតុញៀនចំនួន២៧កញ្ចប់ (តូច៨កញ្ចប់ ធំ១៩កញ្ចប់), ជញ្ជីងចំនួន១គ្រឿង និងទូរស័ព្ទដៃចំនួន១គ្រឿង។
បច្ចុប្បន្នកម្លាំងជំនាញកំពុងសាកសួរយកចម្លើយ និងស្រាវជ្រាវស្វែងរកបក្ខពួក កសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ10961
- ម្សិលមិញ20231
- សប្តាហ៍នេះ90041
- ខែនេះ111921
- ឆ្នាំនេះ111921
- សរុប20554377