ស្ត្រីជនជាតិថៃ២នាក់ ត្រូវបានសមត្ថកិច្ចព្រលានយន្តហោះខេត្តសៀមរាប ឃាត់ខ្លួនជាមួយគ្រឿងញៀនចំនួន២៧.៣០គីឡូក្រាម
25-October-2019 | ដោយ ពលមនសិការ
សៀមរាប៖ នគរបាលជាន់ខ្ពស់នៃស្នងការដ្ឋានខេត្តសៀមរាប បានឲ្យដឹងនៅព្រឹកនេះថា ស្ត្រីជនជាតិថៃ២នាក់ មានគោលដៅធ្វើដំណើរចេញទៅទីក្រុងម៉ានីល ប្រទេសហ្វីលីពីន ត្រូវបានសមត្ថកិច្ចចម្រុះរបស់ព្រលានយន្តហោះខេត្តសៀមរាប ឃាត់ខ្លួនបន្ទាប់ពីឆែកឃើញគ្រឿងញៀនចំនួន២៧.៣០គីឡូក្រាម ជាប្រភេទមេតំហ្វេតាមីន។
សមត្ថកិច្ចបានឲ្យដឹងថា កិច្ចសហការ ឆែកឆេរ រកឃើញនារីជនជាតិថៃពីរនាក់ជាមួយថ្នាំញៀន ២៧.៣០គីឡូក្រាមត្រូវឃាត់ខ្លួននៅព្រលានយន្តហោះអន្តរជាតិសៀមរាប ខណៈគ្រោងនាំឡើងយន្តហោះ ហេតុការណ៍នេះគឺមន្ត្រីគយ និងរដ្ឋាករ នៅព្រលានយន្តហោះអន្តរជាតិខេត្តសៀមរាប បានឆែកឆេររកឃើញគ្រឿងញៀនខាងលើពេលជនជាតិថៃពីរនាក់គ្រោងនាំឡើងយន្តហោះ ដែលការរកឃើញធ្វើនៅវេលាម៉ោងប្រមាណជាង១០យប់ថ្ងៃទី២៤ ខែតុលា ឆ្នាំ២០១៩ នៅស្ថានីយ៍ចេញដំណើរ ក្នុងអាកាស យានដ្ឋានអន្តរជាតិសៀមរាប។
មន្ត្រីឲ្យដឹថា គ្រឿងញៀននេះ បានរកឃើញនៅក្នុងការបូបអ្នកដំណើរ ឈ្មោះ SAVAENGPHOL SUP HA PORN ភេទស្រី សញ្ជាតិថៃ អាយុ៣៧ឆ្នាំ និងអ្នកដំណើរឈ្មោះ PRACHAMON WIPA ភេទស្រី សញ្ជាតិថៃ អាយុ៣០ឆ្នាំ។ មន្ត្រីបន្តថា ជនជាតិថៃទាំងពីរនេះនាក់ មានគោលដៅធ្វើដំណើរឆ្ពោះចេញទៅទីក្រុងម៉ានីល ប្រទេសហ្វីលីពីន។
ប្រភពពីអ្នកជំនាញថាថ្នាំញៀនដែលឆែកឆេររកឃើញនេះ ជាប្រភេទមេតំហ្វេតាមីន ទោះជាយ៉ាងណាក៏ដោយមជ្ឈដ្ឋានខ្លះថាអាចពាក់ព័ន្ធជាមួយក្រុមជួញដូរដែលសមត្ថកិច្ចបង្ក្រាបនៅខេត្ត កំពង់ធំ កាលពីពេលថ្មីៗកន្លងទៅដោយក្នុងនោះមានជនជាតិថៃ ភេទប្រុស ម្នាក់ផងនោះ៕
ចំនួនអ្នកទស្សនា
- ថ្ងៃនេះ8521
- ម្សិលមិញ20231
- សប្តាហ៍នេះ87601
- ខែនេះ109481
- ឆ្នាំនេះ109481
- សរុប20551937