ជនសង្ស័យ២នាក់ ត្រូវបានកម្លាំងនគរបាលខេត្តព្រះសីហនុ ឃាត់ខ្លួនពាក់ព័ន្ធករណីលួចម៉ូតូ
25-October-2019 | ដោយ ពលមនសិការ
ព្រះសីហនុ៖ ជនសង្ស័យ២នាក់ ត្រូវបានកម្លាំងនគរបាលខេត្តព្រះសីហនុ ឃាត់ខ្លួនពាក់ព័ន្ធករណីលួចម៉ូតូ កាលពីនៅថ្ងៃទី២៤ ខែតុលា ឆ្នាំ២០១៩ វេលាម៉ោង១០នឹង៣០នាទី នៅភូមិព្រៃនប់៣ ឃុំព្រៃនប់ ស្រុកព្រៃនប់ ខេត្តព្រះសីហនុ។
សមត្ថកិច្ចនគរបាលខេត្តព្រះសីហនុ បានឱ្យដឹងថាជនសង្ស័យទី១-ឈ្មោះ ប្រាក់ សុវណ្ណ ភេទប្រុស អាយុ៣៨ឆ្នាំ មុខរបរមិនពិតប្រាកដ មានទីលំនៅភូមិព្រៃនប់៣ ឃុំព្រៃនប់ ស្រុកព្រៃនប់ ខេត្តព្រះសីហនុ ទី២-ឈ្មោះ ឈុន នាង ភេទ ប្រុស អាយុ៣៧ឆ្នាំ មុខរបរមិនពិតប្រាកដ មានទីលំនៅភូមិដីឥដ្ឋ ស្រុកគៀនស្វាយ ខេត្តកណ្ដាល។
ជនរងគ្រោះជាម្ចាស់ម៉ូតូឈ្មោះ សឹង សៀង ភេទប្រុស អាយុ៥២ឆ្នាំ មានទីលំនៅភូមិរាម ឃុំរាម ស្រុកព្រៃនប់។
វត្ថុតាងចាប់យកបានៈម៉ូតូចំនួន២គ្រឿង (១-ម៉ូតូម៉ាក ហុងដាឌ្រីម ពណ៌ខ្មៅ ពាក់ស្លាកលេខ ព្រះសីហនុ1H-3158 របស់ជនរងគ្រោះ, ២-ម៉ូតូម៉ាក ហុងដាឌ្រីម ពណ៌ខ្មៅ ពាក់ស្លាកលេខ1GH-4198 ជាមធ្យោបាយជិះធ្វើសកម្មភាព),ដែកសំរាប់កាច់សោរកម៉ូតូចំនួន១,សោរខ្សៀម៉ូតូចំនួន២។
បច្ចុប្បន្នកម្លាំងជំនាញកំពុងសាកសួរយកចម្លើយ និងកសាងសំណុំរឿងដើម្បីចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ10511
- ម្សិលមិញ20231
- សប្តាហ៍នេះ89591
- ខែនេះ111471
- ឆ្នាំនេះ111471
- សរុប20553927