អភិបាលខេត្តតាកែវ បើកការដ្ឋានអ៊ុតកៅស៊ូប្រភេទ AC ផ្លូវក្រុងលេខ ២១ មានប្រវែង ១៣៤០ម៉ែត្រ
05-November-2019 | ដោយ ពលមនសិការ
តាកែវ៖ អាជ្ញាធខេត្តមានគម្រោងអភិវឌ្ឍន៍ក្រុងដូនកែវ ដែលជាបេះដូងរបស់ខេត្តឲ្យកាន់តែស្រស់បំព្រងឡើងតាមរយៈការការជួសជុលហេដ្ឋារចនាសម្ព័ន្ធផ្លូវថ្នល់ ការដាក់លូវនៅតាមបណ្ដោយផ្លូវក្នុងក្រុងនិងគម្រោងជួសជុលសួនច្បារនៅក្នុងក្រុងផងដែរ។
ថ្លែងនៅក្នុងឱកាសអញ្ជើញអញ្ជើញបើកការដ្ឋានអ៊ុតកៅស៊ូប្រភេទ AC ផ្លូវក្រុងលេខ២១ មានប្រវែង១៣៤០ម៉ែត្រ ចាប់ពីផ្លូវបំបែកជាបួន ហ្គារ៉ាស់សាំងសូគីមិច ១មករា ស្ថិតនៅភូមិថ្នល់បែក ដល់ផ្លូវបំបែកជាបួន ទៅកំពង់ទូកក្រោម ស្ថិតនៅភូមិស្នោ សង្កាត់រកាក្រៅ ក្រុងដូនកែវ នៅព្រឹកថ្ងៃអង្គារទី៥ ខែ វិឆ្ឆិកា ឆ្នាំ ២០១៩នេះ ឯកឧត្តមអភិបាលខេត្តតាកែវបានថ្លែងថា ក្រុងដូនកែវនាពេលបច្ចុប្បន្ននេះមានការអភិវឌ្ឍន៍ខ្លាំងក្លាទាំងហេថារចនាសម្ព័ន្ធផ្លូវថ្នល់ខ្វាត់ខ្វែង សំណង់អាគារ ផ្ទះសំណាក់ សណ្ឋាគារ សួនច្បារ ដែលបង្កលក្ខណៈងាយស្រួលដល់ការរស់នៅរបស់បងប្អូនប្រជាពលរដ្ឋក៏ដូចជាការប្រកបរបទទួលទានជាពិសេសបានធ្វើការទាក់ទាញភ្ញៀវទេសចរណ៍ជាតិនិងអន្តរជាតិឲ្យចូលមកកម្សាន្តនៅក្នុងខេត្តតាកែវកាន់តែច្រើនឡើង។
ឯកឧត្តមអភិបាលខេត្តតាកែវ អ៊ូច ភា បានមានប្រសាសន៍បន្តថា ខណៈពេលដែលក្រុងដូនកែវកំពុងតែមានការអភិវឌ្ឍន៍ខ្លាំងក្លាបែបនេះ អាជ្ញាធខេត្តក៏បានធ្វើផែនការជាច្រើនដើម្បីឲ្យដំណើរការអភិវឌ្ឍន៍នេះមានចរិភាព តាមរយៈមែនការជួសជុលកែលម្អហេថារចនាសម្ព័ន្ធក្នុងក្រុងដោយចាក់កៅស៊ូ ដាក់លូនៅអមសងខាងផ្លូវដើម្បីទប់ស្កាត់កុំឲ្យទឹកជន់លិចក្រុង ការដាក់បង្គោលភ្លើងនៅតាមផ្លូវសាធារណៈនិងធ្វើជួសជុលកែលម្អសួនច្បារដើម្បីបង្កភាពងាយស្រួលដល់បងប្អូនប្រជាពលរដ្ឋមកដើរកម្សាន្ត និងហាត់ប្រាណនៅពេលព្រឹក និងនៅពេលរសៀល។
នៅក្នុងឱកាសនោះផងដែរឯកឧត្តមអភិបាលខេត្តតាកែវ ក៏បាន អំពាវនាវឲ្យបងប្អូនប្រជាពលរដ្ឋមានការយោគយល់រាល់ការកកស្ទះចរាចរណ៍ដោយសារតែគម្រោងជួសជុលផ្លូវនៅក្នុងក្រុងនិងចូលរួមសហការជាមួយអាជ្ញាធ ដោយកុំដាក់លក់ទំនិញនៅតាមចញ្ចើមផ្លូវសាធារណៈ ដែលនាំឲ្យសោភ័ណ្ឌភាពក្រុងគ្មានរបៀបរៀបរយនិងបាត់បង់សណ្ដាប់ធ្នាប់៕
ចំនួនអ្នកទស្សនា
- ថ្ងៃនេះ8331
- ម្សិលមិញ20231
- សប្តាហ៍នេះ87411
- ខែនេះ109291
- ឆ្នាំនេះ109291
- សរុប20551747