អាជ្ញាធរជាតិអប្សរា ប្រកាសហាមយកសត្វគ្រប់ប្រភេទទៅព្រលែងចូលក្នុងកសិន្ធុប្រាសាទនានា នៃតំបន់រមណីយដ្ឋានអង្គរ បេតិកភណ្ឌពិភពលោ
10-November-2019 | ដោយ ពលមនសិការ
សៀមរាប៖ អាជ្ញាធរជាតិអប្សរា មានកិត្តិយសសូមជម្រាបជូនដំណឹងដល់ឯកឧត្តម លោកជំទាវ លោក-លោកស្រី អ្នកនាងកញ្ញា ភ្ញៀវទេសចរជាតិ-អន្តរជាតិ និងសាធារណជនទាំងអស់ឱ្យបានជ្រាប ថាក្នុងន័យសាសនា កសិន្ធុទឹកប្រាសាទ ត្រូវបានកសាងឡើងប្រដូចជាមហាសមុទ្រព័ទ្ធជុំវិញ ភ្នំព្រះសុមេរុ ដែលមានប្រាសាទនានានៅកណ្តាលជាតំណាង។ ម្យ៉ាងវិញទៀតកសិន្ធុប្រាសាទ ដែលបានស្តាររួចត្រូវបានបញ្ចូលទឹកជាប្រចាំដើម្បីរក្សាទឹកទុកក្នុងរដូវប្រាំងក្នុងគោលបំណងទ្រទ្រង់រចនាសម្ព័ន្ធប្រាសាទទាំងមូលឱ្យបានរឹងមាំ។
ទន្ទឹមគ្នានេះដែរ ប្រាសាទក៏ជាកន្លែងដែលភ្ញៀវទេសចរជាតិ និងអន្តរជាតិផ្តិតយករូបភាពអនុស្សាវរីយ៍ហើយក្រុមការងារបរិស្ថានរបស់អាជ្ញាធរជាតិអប្សរាតែងតែមកបំពេញការងារសម្អាតវារីជាតិជាប្រចាំ។ ក្នុងន័យនេះ សូមឯកឧត្តម លោកជំទាវ លោក លោកស្រី អ្នកនាងកញ្ញា ភ្ញៀវទេសចរ និងសាធារណជនទាំងអស់ មេត្តាកុំយកសត្វគ្រប់ប្រភេទ ទៅព្រលែងចូលក្នុងកសិន្ធប្រាសាទជាដាច់ខាត ៕
ចំនួនអ្នកទស្សនា
- ថ្ងៃនេះ8261
- ម្សិលមិញ20231
- សប្តាហ៍នេះ87341
- ខែនេះ109221
- ឆ្នាំនេះ109221
- សរុប20551677