អាជ្ញាធរ និងប្រជាពលរដ្ឋរាប់ពាន់នាក់ ចូលរួមពិសារអំបុកតេជោសន្តិភាព និងដើម្បីការពារ ជាតិ សាសនា ព្រះមហាក្សត្រនៅវេទិការសួនមានជ័យ
11-November-2019 | ដោយ ពលមនសិការ
បន្ទាយមានជ័យ៖ អាជ្ញាធរ និងប្រជាពលរដ្ឋរាប់ពាន់នាក់ដែលចូលរួមពិសារអំបុកតេជោសន្តិភាព និងដើម្បីការពារជាតិ សាសនា ព្រះមហាក្សត្រ នៅវេទិការសួនមានជ័យ នៅថ្ងៃទី០៩ ខែវិច្ឆិកា ឆ្នាំ២០១៩ ស្ថិតក្នុងក្រុងសិរីសោភ័ណ។
លោក អ៊ុំ រាត្រី អភិបាលខេត្តបន្ទាយមានជ័យបានប្រាប់ថា ខេត្តបន្ទាយមានជ័យបានរៀបចំពិសារអំបុករួមគ្នា ដើម្បីការពារ ជាតិ សាសនា ព្រះមហាក្សត្រ និងការពាររាជរដ្ឋាភិបាលស្របច្បាប់ និងរបបរាជជានិយម ការពារប្រទេសជាតិ និងការពារប្រជាពលរដ្ឋ ដែលកំពុងមានសុខសន្តិភាព និងមានការអភិវឌ្ឍន៍រីកចម្រើន។
លោកបានបញ្ជាក់ថា៖ស្របពេលដែលរាជរដ្ឋាភិបាលកម្ពុជាបានអបអរសារទខួបទី៦៦ ទិវាបុណ្យឯករាជ្យជាតិ នៃព្រះរាជាណាចក្រកម្ពុជា ថ្ងៃទី០៩ ខែវិច្ឆិកា ឆ្នាំ២០១៩ នាំមកនូវឯករាជ្យជាតិ សន្តិភាព និងអភិវឌ្ឍន៍។
លោក អ៊ុំ រាត្រី បានបញ្ជាក់ថា៖នៅខេត្តបន្ទាយមានជ័យបានពិសារអំបុកតេជោសន្តិភាព និងដើម្បីការពារ ជាតិ សាសនាព្រះមហាក្សត្រ និងការពាររាជរដ្ឋាភិបាលស្របច្បាប់ និងរបបរាជជានិយម ការពារប្រទេសជាតិ ត្រូវបានធ្វើឡើងក្រុមស្រុក.ក្រុងនិងឃុំ.សង្កាត់ដែលភាគច្រើនធ្វើនៅតាមវត្តអារាម និងជួបជុំជាមួយកម្លាំងដែលឈជើងតាមបន្ទាត់ព្រំដែន។
ជាក់ស្តែងនៅនៅវេទិការសួនមានជ័យក្រុងសិរីសោភ័ណ ដែលរដ្ឋបាលសាលាខេត្តបន្ទាយមានជ័យរាបចំពិសារអំបុកតេជោសន្តិភាព នេះមានអំបុក ដូង និងចេក សម្រាប់បងប្អូនប្រជាពលរដ្ឋដែលបានចូលរួមពិសារ។
ក្នុងឱកាសនោះដែលលោកជំទាវ ម៉ៅ ម៉ាល័យ ភរិយាលោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងលោកជំទាវភរិយាថ្នាក់ដឹកនាំបានចូលរួមពិសារអំបុករួមគ្នាហើយបានរាំងលេងកំសាន្ត៕
ចំនួនអ្នកទស្សនា
- ថ្ងៃនេះ8421
- ម្សិលមិញ20231
- សប្តាហ៍នេះ87501
- ខែនេះ109381
- ឆ្នាំនេះ109381
- សរុប20551837