កម្មការិនីរោងចក្រម្នាក់ ត្រូវបានឃាតករឹតកបណ្តាលឲ្យស្លាប់នៅក្នុងបន្ទប់ជួល
28-November-2019 | ដោយ ពលមនសិការ
ភ្នំពេញ៖ កម្មការិនីរោងចក្រម្នាក់ ត្រូវបានឃាតករឹតកបណ្តាលឲ្យស្លាប់នៅក្នុងបន្ទប់ជួល។ ហេតុការណ៍ខាងលើបង្កការភ្ញាក់ផ្អើល កាលពីថ្ងៃទី២៧ ខែវិច្ឆិកា ឆ្នាំ២០១៩ វេលាម៉ោង១៩និង២០នាទី នៅចំណុចបន្ទប់ជួលលេខ៦ ផ្លូវបតុង ភូមិទ្រុងមាន់ សង្កាត់អូរបែកក្អម ខណ្ឌសែនសុខ។
មន្ត្រីនគរបាលខណ្ឌសែនសុខ បានឲ្យដឹងថា ជនសង្ស័យ មិនស្គាល់ អត្តសញ្ញាណ (គេចខ្លួនបាត់ក្រោយកើតហេតុ) បានធ្វើសកម្មភាព រិតកសម្លាប់ជនរងគ្រោះឈ្មោះ សឿន ស្រីដា ភេទស្រី អាយុ២២ឆ្នាំ ជនជាតិខ្មែរ មុខរបរកម្មកររោងចក្រ មានស្រុកកំណើត ភូមិគោល ឃុំរភាពប្រាំង ស្រុកត្បូងឃ្មុំ ខេត្តត្បូងឃ្មូំ ស្នាក់នៅកន្លែងកើតហេតុខាងលើ។
សម្ភារៈបាត់បង់៖ទូរស័ព្ទដៃ០១គ្រឿង ម៉ាកអាយហ្វូន, ចិញ្ចៀនផ្លាកទីន២វង់, កងដៃផ្លាកទីន២កង។ បច្ចុប្បន្នករណីខាងលើអធិការដ្ឋាននគរបាលខណ្ឌសែនសុខ កំពុង ស្រាវជ្រាវចាប់ខ្លួនជនសង្ស័យយកមកផ្តន្ទាទោសតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ2731
- ម្សិលមិញ20231
- សប្តាហ៍នេះ81811
- ខែនេះ103691
- ឆ្នាំនេះ103691
- សរុប20546147