មន្ដ្រីនគរបាលប៉ុស្ដិ៍បឹងសាឡាងម្នាក់ ផ្ទុះអាវុធចំនួន៤គ្រាប់ បណ្តាលឱ្យបុរសម្នាក់រងរបួស ត្រូវឃាត់ខ្លួនបញ្ជូនទៅព្រហ្មទណ្ឌកំរិតធ្ងន់
02-December-2019 | ដោយ ពលមនសិការ
ភ្នំពេញ៖ មន្ត្រីនគរបាលព្រហ្មទណ្ឌកំរិតធ្ងន់ នៃស្នងការដ្ឋាននគរបាលរាជធានីភ្នំពេញ បានឱ្យដឹងនៅរសៀលថ្ងៃទី០២ ខែធ្នូ ឆ្នាំ២០១៩នេះថា មន្ដ្រីនគរបាលប៉ុស្ដិ៍បឹងសាឡាង ខណ្ឌទួលគោក រាជធានីភ្នំពេញម្នាក់ ឈ្លោះប្រកែកគ្នាជាមួយអ្នកជិតខាង រហូតឈានដល់ការផ្ទុះអាវុធចំនួន៤គ្រាប់ ត្រូវបានឃាត់ខ្លួនបញ្ជូនទៅការិយាល័យព្រហ្មទណ្ឌកំរិតធ្ងន់ ដើម្បីចាត់ការតាមនីតិវិធីហើយ។
មន្ត្រីនគរបាលព្រហ្មទណ្ឌទួលគោក បានឲ្យដឹងថាហេតុការណ៍ខាងលើ កើតឡើងនៅថ្ងៃទី០២ ខែធ្នូ ឆ្នាំ២០១៩ ស្ថិតក្នុងសង្កាត់បឹងសាឡាង ខណ្ឌទួលគោក រាជធានីភ្នំពេញ ក្រោយកើតហេតុកម្លាំងនគរបាលស្នងការដ្ឋានគរបាលរាជធានីភ្នំពេញ សហការជាមួយកម្លាំងនគរបាលខណ្ឌទួលគោក ឃាត់ខ្លួនភ្លាមៗ បញ្ជូនទៅការិយាល័យជំនាញ។
ប្រភពច្បាស់ការបានឱ្យដឹងថាជនសង្ស័យជាមន្ត្រីនគរបាលប៉ុស្តិ៍បឹងសាឡាង នៃអធិការដ្ឋាននគរបាលខណ្ឌទួលគោក ពាក់ព័ន្ធប្រើប្រាស់គ្រឿងញៀន។ ចំណែកមូលហេតុនៃជំលោះ សមត្ថកិច្ចមិនបានបង្ហើបអោយដឹងនោះទេ។ គ្រាន់តែបង្ហើបថាជំលោះរវាងអ្នកជិតខាងប៉ុណ្ណោះ។
ក្នុងហេតុការណ៍បណ្តាលឱ្យជនរងគ្រោះ ត្រូវចំជើងរបស់ជនរងគ្រោះបណ្ដាលឲ្យរងរបួស ហើយត្រូវបញ្ជូនទៅមន្ទីរពេទ្យភ្លាមៗ ៕
ចំនួនអ្នកទស្សនា
- ថ្ងៃនេះ461
- ម្សិលមិញ20231
- សប្តាហ៍នេះ79541
- ខែនេះ101421
- ឆ្នាំនេះ101421
- សរុប20543877