ឧត្តមសេនីយ៍ឯក រ័ត្ន ស្រាង សែនក្រុងពាលី បញ្ចុះបឋមសិលា សាងសង់ អាគារមូលដ្ឋានអាវុធហត្ថខណ្ឌដូនពេញ
09-December-2019 | ដោយ ពលមនសិការ
ភ្នំពេញ៖ ដោយអនុវត្តតាមការណែនាំចង្អុលបង្ហាញ របស់លោកនាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស ដែលតែងតែណែនាំដល់មេបញ្ជាការអាវុធហត្ថគ្រប់ថ្នាក់ ត្រូវយកចិត្តទុកដាក់ កសាងហេដ្ឋារចនាសម្ព័ន្ធ សាងសង់អាគារជំរំជម្រក បន្ទាយស្នាក់នៅ ពីថ្នាក់ជាតិរហូតដល់រាជធានី-ខេត្ត-ក្រុង-ស្រុក-ខណ្ឌ នាព្រឹកថ្ងៃទី៨ ខែធ្នូ ឆ្នាំ២០១៩ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ បានអញ្ជើញជាអធិបតី ក្នុងពិធីសែនក្រុងពាលី បញ្ចុះបឋមសិលាសាងសង់អាគារថ្មី ទីបញ្ជាការមូលដ្ឋានកងរាជអាវុធហត្ថខណ្ឌដូនពេញ ប្រកបដោយស្តង់ដាទំនើបទាន់សម័យ មានការចូលរួមពីលោក សុខ ពេញវុធ អភិបាលនៃគណៈអភិបាលខណ្ឌដូនពេញ ព្រមទាំងមេបញ្ជាការ មេបញ្ជាការរង នាយទាហាន នាយទាហានរង ចំណុះឲ្យកងរាជអាវុធហត្ថរាធានីភ្នំពេញផងដែរ។
អាគារ មូលដ្ឋានអាវុធហត្ថខណ្ឌដូនពេញ ដែលនឹងត្រូវ សាងសង់ថ្មី មានបណ្តោយ២៥ ម៉ែត្រ ទទឹង១៨ម៉ែត្រ មានកម្ពស់២ជាន់ ស្ថិតនៅក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ៕
ចំនួនអ្នកទស្សនា
- ថ្ងៃនេះ981
- ម្សិលមិញ20231
- សប្តាហ៍នេះ80061
- ខែនេះ101941
- ឆ្នាំនេះ101941
- សរុប20544397