ជនសង្ស័យ៣នាក់ ត្រូវបានកម្លាំង អ.ហ ឃាត់ខ្លួនចោទប្រកាន់ពីបទជួញដូរ និងប្រើប្រាស់គ្រឿងញៀន
09-December-2019 | ដោយ ពលមនសិការ
បន្ទាយមានជ័យ៖ ជនសង្ស័យ៣នាក់ ត្រូវបានកម្លាំងកងរាជអាវុធហត្ថឃាត់ខ្លួនចោទប្រកាន់ពីបទជួញដូរ និងប្រើប្រាស់គ្រឿងញៀន ខេទឹកកក៦ថង់តូច ត្រូវបានបញ្ជូនទៅសាលាដំបូងខេត្តបន្ទាយមានជ័យ ចាត់ការតាមច្បាប់នៅថ្ងៃទី០៨ ខែធ្នូ ឆ្នាំ២០១៩។
ជនសង្ស័យ៣នាក់មាន១.ឈ្មោះ ផុន សុភ័ក្រ ភេទប្រុសអាយុ២៥ឆ្នាំ ២.ឈ្មោះ ទេព សុភ័ក្រ ភេទប្រុស អាយុ៣០ឆ្នាំ ៣.ឈ្មោះ ពិ សុខ ភេទប្រុស អាយុ៣១ឆ្នាំ ជនសង្ស័យ៣នាក់នេះរស់នៅភូមិបាណយ សង្កាត់ទឹកថ្លា ក្រុងសិរីសោភ័ណ។
លោកវរសេនីយ៍ឯក ស ប៊ុនសឿង មេបញ្ជាការរង កងរាជអាវុធហត្ថខេត្តបន្ទាយមានជ័យបានប្រាប់ថា៖នៅពេលឃាត់ខ្លួនជនសង្ស័យ គឺកម្លាំងកងរាជអាវុធហត្ថខេត្តសហការជាមួយកម្លាំងកងរាជអាវុធហត្ថក្រុងសិរីសោភ័ណ បានស្រាវជ្រាវនិងកំណត់មុខសញ្ញាហើយចុះបង្ក្រាបឃាត់ខ្លួនជនសង្ស័យ៣នាក់ និងរឹបអូសវត្ថុតាងគ្រឿងញៀនប្រភេទម្ស៉ៅក្រាមពណ៌សរឺហៅខេទឹកកកចំនួន៦កូនងថ់ស្មើនិងឧបករណ៍ប្រើប្រាស់មួយចំនួន។
លោកបានបញ្ជាក់ថា៖ជនសង្ស័យ៣នាក់ និងវត្ថុតាងគ្រឿងញៀនត្រូវបានបង្ក្រាបបានកាលពីថ្ងៃទី០៧ ខែធ្នូ ឆ្នាំ២០១៩នៅចំណុចភូមិ.សង្កាត់ទឹកថ្លា ក្រុងសិរីសោភ័ណ ហើយត្រូវបាននាំយកសាកសួរ ហើយកសាងសំណុំរឿងបញ្ជូនទៅសាលាដំបូងខេត្តចាត់ការតាមច្បាប់ ហើយកម្លាំងជំនាញកំពុងស្រាវជ្រាវចាត់ការបន្តរាល់បទល្មើសគ្រឿងញៀន ដើម្បីលុបបំបាត់អោយអស់ ៕
ចំនួនអ្នកទស្សនា
- ថ្ងៃនេះ18871
- ម្សិលមិញ15681
- សប្តាហ៍នេះ77711
- ខែនេះ99591
- ឆ្នាំនេះ99591
- សរុប20542047