អ្នកធ្វើត្រីប្រហុកនៅកំពង់ឆ្នាំង ថាទិន្នផលត្រីឆ្នាំនេះខ្សត់ជាងឆ្នាំមុន
09-December-2019 | ដោយ ពលមនសិការ
កំពង់ឆ្នាំង៖ រដូវកាល ធ្វើប្រហុក ផ្អកនិងត្រីឆ្អើរបានមកដល់ ប្រជាពលរដ្ឋមកពីទីជិតទី ឆ្ងាយ គឺបានប្រញាប់ប្រញាល់ មក ទិញត្រី សម្រាប់ទុកធ្វើប្រហុក ដើម្បីទុកបរិភោគ និង ខ្លះទៀតទិញត្រី សម្រាប់ធ្វើ ប្រហុក ដើម្បី យកទៅលក់ បន្ត នៅតាម ទីផ្សារ។
សម្រាប់ឆ្នាំនេះប្រជាពលរដ្ឋដែលជាអ្នកធ្វើប្រហុក ផ្អកនិងត្រីឆ្អើរនៅតាមដងទន្លេសាបក្នុងខេត្តកំពង់ឆ្នាំង បានអះអាងថា ទិន្នផលត្រីដែលនេសាទបានឆ្នាំនេះខ្សត់ជាងមុន រីឯទំហំត្រីក៏តូចជាងឆ្នាំមុនផងដែរ។
ប្រជាពលរដ្ឋដដែលបន្តថាដោយសារតែបរិមាណត្រីមិនសូវសំបូរបែបនេះហើយ បានធ្វើអោយមានការប្រជែងទិញពីសំណាក់ឈ្មួញធ្វើប្រហុកយកទៅលក់ បន្ត នៅតាម ទីផ្សារ បានធ្វើអោយតម្លៃត្រីក៏មានការឡើងថ្លៃដែរ។
គួរបញ្ជាក់ថា រដ្ឋបាល ជលផល នៃក្រសួងកសិកម្ម រុក្ខាប្រមាញ់ និងនេសាទ កាលពីថ្ងៃទី០៥ ខែធ្នូ ឆ្នាំ២០១៩ បាន ប្រកាស ដល់ប្រជាពលរដ្ឋ ដែលមានបំណង ធ្វើប្រហុក ផ្អក និងត្រីឆ្អើរ សម្រាប់ ទុកបរិភោគ ប្រចាំឆ្នាំ អាចទិញត្រី ឲ្យបានរួសរាន់ចាប់ពីថ្ងៃទី០៥ ដល់ថ្ងៃទី០៩ ខែធ្នូ ដែលជាអំឡុង ពេលមួយដែលទិន្នផល ត្រី បានមកពីការនេសាទ មានច្រើន ៕
ចំនួនអ្នកទស្សនា
- ថ្ងៃនេះ931
- ម្សិលមិញ20231
- សប្តាហ៍នេះ80011
- ខែនេះ101891
- ឆ្នាំនេះ101891
- សរុប20544347