សម្ភារៈជាគ្រឿងឧបភោគបរិភោគ ត្រូវបានចែកជូនប្រជាពលរដ្ឋជួបការលំបាកចំនួន ២០០គ្រួសារ
09-December-2019 | ដោយ ពលមនសិការ
កំពង់ឆ្នាំង៖ កាលពីថ្ងៃទី៨ ខែធ្នូ ឆ្នាំ២០១៩ នៅភូមិតាជេស ឃុំតាជេស ស្រុកកំពង់ត្រឡាច ខេត្តកំពង់ឆ្នាំង លោកជំទាវ មាន សំអាន ប្រធានគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារបណ្ដុះបណ្ដាលវិជ្ជាជីវៈ និងកិច្ចការនារីនៃព្រឹទ្ធសភា លោកជំទាវ តុង ណារី សមាជិកក្រុមលេខាសម្ដេច និងជាប្រធានប្រតិបត្តិសម្ពន្ធយុវជនស្រឡាញ់សន្តិភាព រួមជាមួយប្រតិភូសមាគមមិត្តភាព វៀតណាម តៃនិញ បាននាំយកអំណោយមនុស្សធម៌ចែកជូនដល់ប្រជាពលរដ្ឋដែលមានជីវភាពខ្វះខាតជួបការលំបាកចំនួន ២០០ គ្រួសារ។
ក្នុងឱកាសនោះដែរលោកជំទាវ មាន សំអាន បានផ្តាំផ្ញើដល់បងប្អូនប្រជាពលរដ្ឋសូម ថែទាំ សុខភាពឱ្យបានល្អ ដោយ រស់នៅ ស្អា ត ហូប ស្អាត និង ដាំ បន្លែបង្ការ ជុំវិញ ផ្ទះ សម្រាប់ អាហារ ប្រចាំថ្ងៃ ផងដែរ ជាពិសេសតាម ផ្ទះ នីមួយ ត្រូវតែមាន បង្គន់ អនាម័យ ហើយនៅអំឡុងពេលនេះជារដូវរងារ និងធ្លាក់ខ្យល់ផងនោះ ត្រូវប្រុងប្រយ័ត្នចំពោះភ្លើងចង្ក្រាន ការដុតធូប ទៀន ដែលអាចបង្ករជាអគ្គិភ័យដោយយថាហេតុ។
គួបញ្ជាក់ផងដែរថា៖ ក្នុង ពី ធី សំណេះសំណាល និងចែកអំណោយនោះ គ្រួសារ នីមួយៗទទួលបាន អំណោយរួមមាន៖ ភួយ១, មី ១កេស, ទឹកដោះគោ ១កំប៉ុង និង ស្ករស ១ គីឡូ ៕
ចំនួនអ្នកទស្សនា
- ថ្ងៃនេះ311
- ម្សិលមិញ20231
- សប្តាហ៍នេះ79391
- ខែនេះ101271
- ឆ្នាំនេះ101271
- សរុប20543727