ជុងមិនដែលភ្លេចកុក លួចតាំងពីឆ្នាំ២០០១ ទើបចាប់បាននៅឆ្នាំ២០១៩ ករណីលួចមានស្ថានទំងន់ទោស នៅត្រាំកក់
19-December-2019 | ដោយ ពលមនសិការ
តាកែវ៖ ក្រោយពីបានកំណត់មុខសញ្ញា និងស្រាវជ្រាវយ៉ាងម៉ត់ចត់ តាមគោលការណ៍ដឹកនាំរបស់ឯកឧត្តម ឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ ចំពោះមុខសញ្ញាលួច ឆក់ ប្លន់ក្នុងមូលដ្ឋាន នៅថ្ងៃពុធ ៧ រោច ខែមិគសិរ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី១៨ ខែធ្នូ ឆ្នាំ២០១៩ វេលាម៉ោង១០នឹង៣០នាទី កម្លាំងជំនាញអធិការដ្ឋាននគរបាលស្រុកត្រាំកក់ បានឃាត់ខ្លួនជនសង្ស័យចំនួន០២នាក់ ពាក់ព័ន្ធករណីអំពើលួច(ម៉ូតូ)។
មន្ត្រីនគរបាលស្រុកត្រាំកក់ បានឲ្យដឹងថាជនសង្ស័យទី១-ឈ្មោះ សៀង កុសល ភេទប្រុស អាយុ៣០ឆ្នាំ រស់នៅភូមិរមុន ឃុំបឹងត្រាញ់ខាងជើង ស្រុកសំរោង ខេត្តតាកែវ (មុខសញ្ញាកាច់សោម៉ូតូ) ឃាត់ខ្លួនខណៈពេលជិះម៉ូតូមួយគ្រឿងម៉ាកស៊ុយស៊ុយគីនិច ដើរលក់ដោយគ្មានឯកសារ ត្រង់ចំណុចនៅភូមិខ្លាគ្រហ៊ឹម ឃុំតាភេម ស្រុកត្រាំកក់។
តាមចម្លើយសារភាពរបស់ជនសង្ស័យខាងលើ កម្លាំងជំនាញបានស្រាវជ្រាវឃាត់ខ្លួនបានជនសង្ស័យទី២-ឈ្មោះឡាយ សុភាព ភេទប្រុស អាយុ៤៧ឆ្នាំ រស់នៅភូមិដំណាក់ហ្លួង ឃុំជំរះពេន ស្រុកសំរោង នៅចំណុចភូមិត្រពាំងវែង ឃុំបឹងត្រាញ់ខាងត្បូង ស្រុកសំរោង (មុខសញ្ញាកាច់សោម៉ូតូ) ដែលមុខសញ្ញាខាងលើមានដីចាប់ខ្លួនផងដែរពាក់ព័ន្ធករណីលួចមានស្ថានទម្ងន់ទោស(ប្លន់ប្រដាប់អាវុធ) ប្រព្រឹត្តនៅឃុំបឹងត្រាញ់ខាងជើង ស្រុកសំរោង កាលពីថ្ងៃទី២៥ ខែធ្នូ ឆ្នាំ២០០១ ហើយបានរត់គេចខ្លួនដល់បច្ចុប្បន្ន។
ក្រោយឃាត់ខ្លួន កម្លាំងជំនាញដកហូតវត្ថុតាងរួមមាន៖ ម្សៅក្រាមពណ៌សថ្លា០១កញ្ចប់,-ទូរស័ព្ទដៃ ០២គ្រឿង, -ម៉ូតូ០២គ្រឿង, -ផ្លាកលេខម៉ូតូចំនួន ០៣ផ្លាកនិងសម្ភារមួយចំនួនទៀត។ បច្ចុប្បន្នជនសង្ស័យនិងវត្ថុតាងកម្លាំងជំនាញកំពុងកសាងសំណុំរឿងតាមនីតិវិធី៕
ចំនួនអ្នកទស្សនា
- ថ្ងៃនេះ16801
- ម្សិលមិញ15681
- សប្តាហ៍នេះ75641
- ខែនេះ97521
- ឆ្នាំនេះ97521
- សរុប20539977