គ្រឿងចក្រអេសស្កាវ៉ាទ័រចំនួន ២ គ្រឿងត្រូវបានកម្លាំងជំនាញរឹបអូសកសាងសំណុំរឿងដើម្បីបញ្ជូនទៅតុលាការ
26-December-2019 | ដោយ ពល បញ្ញា
ខេត្តព្រះសីហនុ ៖ នៅព្រឹកថ្ងៃ ទី២៦ខែធ្នូ ឆ្នាំ២០១៩ កម្លាំងគណៈបញ្ជាការឯកភាព ស្រុកព្រៃនប់សហការជាមួយកម្លាំងបរិស្ថាន ក្រោមការបញ្ជាផ្ទាល់ពី ឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុបានចុះបង្ក្រាបគ្រឿងចក្រចំនួន ២ គ្រឿងបានធ្វើសកម្មភាពវ៉ៃដីព្រៃដែនឧទ្យានជាតិបូកគោ ស្ថិតនៅក្នុងភូមិព្រែកក្រាញ់ ឃុំសាមគ្គី ស្រុកព្រៃនប់ ខេត្តព្រះសីហនុ
មុនចុះបង្ក្រាបបើតាមប្រភពព័ត៌មានពីប្រជាពលរដ្ឋបានឲ្យដឹងថា មានគ្រឿងចក្រចូលឈូសឆាយដីព្រៃឧទ្យានជាតិហើយក្រុមបងប្អូន អ្នកសារព័ត៌មានក៏បានចុះទៅផ្ដិតយករូបភាពនៅចំនុចទីតាំងក៏បានប្រទះឃើញយ៉ាងពិតប្រាកដរួចក៏បានរាយការណ៍ទៅ ឯកឧត្តម គួច ចំរើន គណៈបញ្ជាការឯកភាពខេត្តដើម្បីចុះពិនិត្យមើលរួចក៏បានអនុវត្តរឹបអូសយកតែម្ដង
ពាក់ព័ន្ធការរឹបអូសគ្រឿងចក្រខាងលើមេការម្នាក់ដែលមិនស្គាល់ឈ្មោះបានបញ្ជាក់ប្រាប់ថា ការវ៉ៃដីព្រៃនេះគឺជាដីរបស់លោក(ខន)មានតួនាទីជាប្រធានតុលាការរាជធានីភ្នំពេញបានបញ្ជាឲ្យរូបគាត់យកគ្រឿងចក្រទៅឈូសឆាយពាក់ព័ន្ធមេការចោទប្រកាន់លោក(ខន)
ខាងព័ត៌មានយើងមិនអាចធ្វើការទំនាក់ទំនងបាននោះទេដោយពុំមានលេខទូរស័ព្ទចំណែក លោក ប៊ុន នី នាយករងរដ្ឋបាលស្រុកបានបញ្ជាក់ឲ្យដឹងថាគ្រឿងចក្រឈូសឆាយដីឧទ្យានជាតិខាងលើគឺពុំមានច្បាប់នោះទេ ហើយគ្រឿងចក្រដែលរឹបអូសបានលោកបានប្រគល់ឲ្យទៅមន្ត្រីបរិស្ថានដើម្បីធ្វើកំណត់ហេតុរួចបញ្ជូនទៅតុលាការដើម្បីដោះស្រាយទៅតាមនីតិវិធី ៕ដោយ ឃុត កុយ
ចំនួនអ្នកទស្សនា
- ថ្ងៃនេះ11801
- ម្សិលមិញ15681
- សប្តាហ៍នេះ70641
- ខែនេះ92521
- ឆ្នាំនេះ92521
- សរុប20534977