ចេញទៅទាក់សត្វបាត់ជាច្រើនថ្ងៃ ពេលរកឃើញស្លាប់ហើមរលួយបាត់ទៅហើយ
30-December-2019 | ដោយ ពលមនសិការ
កំពង់ឆ្នាំង៖ បុរសម្នាក់បានចេញពី ផ្ទះ បាត់ខ្លួនជាច្រើនថ្ងៃរហូតដល់ថ្ងៃទី២៨ ខែធ្នូ ឆ្នាំ២០១៩ ទើបក្រុមគ្រួសារបានដើររក នឹងបានប្រទះឃើញស្លាប់ ហើម រលុយបាត់ហើយ។
ប្រភពពីសមត្ថកិច្ចបានដឹងថា៖សពជនរងគ្រោះខាងលើមានឈ្មោះ កៀន សារ៉ាត់ អាយុ៣៨ឆ្នាំ មានទីលំនៅក្នុងភូមិចន្លោះរ៉េន ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង។ នៅមុនពេលកើតហេតុជនរងគ្រោះបានចេញពីផ្ទះដើម្បីទៅរកទាក់សត្វ និងបំពុលសត្វ ដោយចេញពី ផ្ទះតាំងពីថ្ងៃទី២៥ ខែធ្នូ បាត់ជាច្រើនថ្ងៃក្រុមគ្រួសារក៏បានដើររកស្ទើរគ្រប់ទីកន្លែង តែមិនប្រទះឃើញឡើយ លុះដល់ថ្ងៃទី២៨ ខែធ្នូ ឆ្នាំ២០១៩នេះ ទើបក្រុមគ្រួសារបានប្រទះឃើញស្លាប់នៅចំណុចបឹងថ្លុករាំង ភូមិធ្នង់កំបុត ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង។
សមត្ថកិច្ចបានបន្តថា៖នៅនិងខ្លួនរបស់សាកសព សមត្ថកិច្ចរកឃើញមានសម្ភារៈមួយចំនួនរួមមានទូរសព្ទដៃម៉ាកOPPO មួយគ្រឿង ចិញ្ចៀនពណ៌ លឿងមួយវង់ កាបូបដៃដាក់លុយចំនួន1 ដែលមានលុយចំនួន(30,500រៀល)ផងដែរ។ ឆ្លងតាមការធ្វើកោសល្យវិច័យរបស់សមត្ថកិច្ចជំនាញបច្ចេកទេស សមត្ថកិច្ចបានសន្និដ្ឋានថា៖ការស្លាប់របស់ជនរងគ្រោះខាងលើនេះ សង្ស័យស្លាប់ដោយសារខ្យល់គ រួមផ្សំនិងការពុលចំហាយថ្នាំសម្រាប់បំពុលសត្វផង គឺពុំមែនជាអំពើឃាតកម្មអ្វីនោះឡើយ។ សពជនរងគ្រោះក៏ត្រូវបានសមត្ថកិច្ចប្រគល់ជូនទៅក្រុមគ្រួសារ ដើម្បីយកទៅចាត់ចែងធ្វើបុណ្យតាមប្រពៃណីផងដែរ៕
ចំនួនអ្នកទស្សនា
- ថ្ងៃនេះ14461
- ម្សិលមិញ15681
- សប្តាហ៍នេះ73301
- ខែនេះ95181
- ឆ្នាំនេះ95181
- សរុប20537637