លោកជំទាវកិត្តិសង្គហបណ្ឌិត ម៉ែន សំអន ៖ ក្រោមដំបូលសុខ សន្តិភាព ប្រជាពលរដ្ឋមានសិទ្ធគ្រប់យ៉ាងក្នុងការប្រកបរបចិញ្ចឹមជីវិត
30-December-2019 | ដោយ ពលមនសិការ
កំពង់ចាម៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានមើលឃើញពីការអភិវឌ្ឍន៍ខេត្តកំពង់ចាម អំឡុងពេលលោកជំទាវអញ្ជើញដើរហាត់ប្រាណនៅសួនច្បារតាមបណ្តោយដងទន្លេខេត្តកំពង់ចាម នារសៀលថ្ងៃអាទិត្យ ៤កើត ខែបុស្ស ឆ្នាំ កុរ ឯកស័ក ព.ស.២៥៦៣ ត្រូវនឹងថ្ងៃទី២៩ ខែ ធ្នូ ឆ្នាំ២០១៩ ។
បច្ចុប្បន្នកម្ពុជាមានសុខសន្តិភាពពេញលេញ និងមានការអភិវឌ្ឍន៍គ្រប់បែបយ៉ាង ក្នុងនោះខេត្តកំពង់ចាមក៏មានការរីកចម្រើនគួរឲ្យកត់សម្គាល់ផងដែរ ដែលអាចធ្វើឲ្យប្រជាពលរដ្ឋធ្វើដំណើរទៅវិញ ទៅមក បានគ្រប់ទីកន្លែង និងអាចឲ្យប្រជាពលរដ្ឋប្រកបរបចិញ្ចឹមជីវិតបានយ៉ាងងាយស្រួល ដោយសាតែមានហេដ្ឋរចនាសម្ព័ន្ធផ្លូវ ថ្នល់ ស្ពាន ខ្វាត់ខ្វែង ក្រោមការដឹកនាំប្រកបដោយកិត្តិបណ្ឌិតរបស់ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ។
ជានិច្ចកាល លោកជំទាវបានបង្ហាញពីមនោសញ្ជេតនារីករាយ ចំពោះប្រជាពលរដ្ឋខ្មែរទូទៅដោយមិនប្រកាន់វណ្ណៈ ពូជសាសន៍ ព័ណ៌សម្បុរ និងបានសំណេះសំណាលជាមួយអាជីវករ មន្ត្រីរាជការចូលនិវត្តន៍ ប្រជាពលរដ្ឋ ដែលបានហាត់ប្រាណ និងធ្វើដំណើរតាមសួនច្បារនេះផងដែរ៕
ចំនួនអ្នកទស្សនា
- ថ្ងៃនេះ13431
- ម្សិលមិញ15681
- សប្តាហ៍នេះ72271
- ខែនេះ94151
- ឆ្នាំនេះ94151
- សរុប20536607