ដោយស្ពានឈើចាស់មានសភាពចាស់ទ្រុឌទ្រោម ប្រឈមបាក់ ប្រជាពលរដ្ឋបាន រៃលុយគ្នា កសាងស្ពានថ្មឆ្លងស្ទឹង តែនៅខ្វះលុយសូមអោយសប្បុរសជនជួយ
23-January-2020 | ដោយ ពលមនសិការ
បន្ទាយមានជ័យ៖ ដោយស្ពានឈើចាស់មានសភាពចាស់ទ្រុឌទ្រោមប្រឈមបាក់ប្រជាពលរដ្ឋបានរៃលុយគ្នាកសាងស្ពានថ្មឆ្លងស្ទឹង តែនៅខ្វះលុយ សូមអោយសប្បុរសជនជួយ ស្ពាននេះស្ថិតភូមិបឹងត្រាវ ឃុំបត់ត្រង់ ស្រុកមង្គលបូរី។
លោក រ័ត្ន ដាស៊ីណង អភិបាលស្រុកមង្គលបូរីបានប្រាប់ថា៖ស្ពានថ្មដែលកំពុងកសាងឆ្លងស្ទឹងស្ថិតឃុំបត់ត្រង់ នេះមានប្រវែងបណ្តោយ៣៦ម៉ែត្រ និងទទឹង៥ម៉ែត្រ ដែលត្រូវបានកសាងឡើងកាលពីចុងខែធ្នូ ឆ្នាំ២០១៩ រហូតមកដល់ថ្ងៃទី២៣ ខែមករា ឆ្នាំ២០២០នេះ កសាងបានប្រមាណជា៣០ទៅ៤០ភាគរយហើយ។
លោកបានបញ្ជាក់ថា៖ស្ពានថ្មដែលត្រូវបានកសាងឡើងនេះគឺជាថវិកាប្រជាពលរដ្ឋរសអង្គាសគ្នា និងសប្បុរសជនក្នុងស្រុក បានចូលរួមកសាងដែលគម្រោងថវិកាប្រមាណជិត៤ម៉ឺនដុល្លារ ហើយការកសាងស្ពានថ្មនេះទោះជាសប្បុរសជនជួយនៅថវិកាខ្វះខាតដែរ តែអំពាវនាវសូមអោយថ្នាក់ដឹកនាំនិងសប្បុរសជនក្នុង និងក្រៅប្រទេសជួយផង ដើម្បីកសាងស្ពានថ្មនេះអោយរួចរាល់សម្រាប់ប្រជាពលរដ្ឋនៅដងស្ទឹងត្រើយខាងលិច បានឆ្លង និងដឹកកសិផល។
លោក រ័ត្ន ដាស៊ីណង់ បានបញ្ជាក់ថា៖មូលហេតុដែលប្រជាពលរដ្ឋសម្រេចកសាងស្ពានថ្មីឆ្លងកាត់ស្ទឹង ដោយស្ពានឈើចាស់មានភាពទ្រុឌទ្រោមខ្លាំងដាច់ជើងក្រោមអស់ជាការព្រួយបារម្ភ ហើយស្ពានឈើចាស់មានអាយុកាលជាង២៩ឆ្នាំ ទើបប្រជាពលរដ្ឋសម្រេចចិត្តរៃលុយគ្នាកសាងស្ពានថ្មថ្មី។ ហើយការកសាងស្ពានថ្មថ្មីនេះគឺគម្រោងកសាងអស់ថវិកា៣៨.០០០ដុល្លារ ហើយនៅកំពុងខ្វះខាតលុយសូមអំពាវដល់សប្បុរសជនក្នុង និងក្រៅប្រទេស សូមអោយជួយដើម្បីអោយស្ពានថ្មនេះបានរួចរាល់ឆាប់បានប្រជាពលរដ្ឋឆ្លងកាត់ ៕
ចំនួនអ្នកទស្សនា
- ថ្ងៃនេះ9141
- ម្សិលមិញ15681
- សប្តាហ៍នេះ67981
- ខែនេះ89861
- ឆ្នាំនេះ89861
- សរុប20532317