លោកស្នងការនគរបាលខេត្តកំពង់ធំ ក្រើនរំលឹកដល់កងកម្លាំងទាំងអស់ ត្រូវបង្កើនការសាមគ្គី ឯកភាពផ្ទៃក្នុង ចេះជួយគ្នាទៅវិញទៅមក នាគ្រាមានទុក្ខលំបាក
27-January-2020 | ដោយ ពលមនសិការ
កំពង់ធំ៖ ព្រឹកថ្ងៃចន្ទ ០៣កើត ខែមាឃ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២៧ ខែមករា ឆ្នាំ២០២០ លោកឧត្តមសេនីយ៍ទោ អ៊ុក កុសល ស្នងការនគរបាលខេត្ត មានមតិលើកឡើងកងកម្លាំង ដល់កងកម្លាំងក្នុងកងជួរ ដោយកងកម្លាំងនៃស្នងការដ្ឋាននគរបាលខេត្តកំពង់ធំ បន្តឈរលើគោលដៅចំណុចខ្ពស់ដដែល ដើម្បីរង់បំពេញបេសកកម្ម តាមបណ្ដាគោលដៅសំខាន់ៗ សម្រាប់កិច្ចប្រតិបត្តិការ ថែរក្សា សន្តិសុខ សុវត្ថិភាពសង្គម ក៏ដូចជាចុះជួយអន្តរាគមន៍ដល់ប្រជាពលរដ្ឋ ក្នុងហេតុការលំបាកផងដែរ។
ក្នុងសប្តាហ៍កន្លងទៅនេះ មានពិធីបុណ្យចូលឆ្នាំថ្មីប្រពៃណី ចិន កូរ៉េ រៀតណាម បងប្អូនប្រជាពលរដ្ឋ មួយចំនួនបានចូលរួមជួបជុំជាមួយក្រុមគ្រួសារ ដើម្បីរៀបចំសែនព្រេន បួងសួង បន់ស្រន់ សុំសេចក្តីសុខសប្បាយ ចំរុងចំរើនហើយបរិភោគអាហារ និងធ្វើដំណើរកំសាន្ត ទៅរមណីយដ្ឋាន ទីកន្លែងកំសាន្ត សប្បាយភាពនានា តាមបំណងប្រាថ្នារបស់បងប្អូន។ ស្របពិធីបុណ្យខាងនេះដែរ អង្គភាពរបស់យើង បានដាក់ចេញ ផែនការបានគ្រប់ជ្រុងជ្រោយ ក្នុងការបង្ការ ទប់ស្កាត់បានទាន់ពេលវេលា រាល់ឧបាយល្បិចកល របស់ជនទុច្ចរិតមួយចំនួន ដែលមានចេតនា ឆ្លៀតឱកាសនិយមបំផ្លិចបំផ្លាញសេចក្ដីសុខសាន្ត ទ្រព្យសម្បត្តិ របស់ប្រជាពលរដ្ឋ។
ទន្ទឹមកិច្ចប្រតិបត្តិការ ក្នុងរយៈពេលមួយសប្ដាហ៍ កន្លងទៅនេះ អង្គភាព នៃស្នងការដ្ឋាននគរបាលខេត្តកំពង់ធំសម្រេចបានសមិទ្ធផលថ្មីផ្លូវក្រាលបេតុង ស្ថិតនៅមុខផែនការងារសន្តិសុខ និងផែនការងារ អន្តោប្រវេសន៍ មានប្រវែងបណ្ដោយ៣៨ ម៉ែត្រXទទឹង ៥,៨០ ម៉ែត្រ កម្រាស់១តឹក ហើយនៅឱកាសខាងនេះមានសមិទ្ធផលថ្មីៗ ដូចជាអាគារកងអន្តរាគមន៍ពិសេស ផ្លូវក្រាលបេតុងចូលក្នុងអង្គភាព ចាប់ពីក្លោងទ្វារ រហូតដល់អាគារសេនាធិការ មានបណ្ដោយ១២៤ ម៉ែត្រXទទឹង ៨,៥០ម៉ែត្រ កម្រាស់១តឹកបន្ថែមទៀត។
លោកឧត្តមសេនីយ៍ទោ ស្នងការ បានក្រើនរំលឹកដល់កងកម្លាំងទាំងអស់ ត្រូវបង្កើនការសាមគ្គី ឯកភាពផ្ទៃក្នុង ចេះជួយគ្នាទៅវិញទៅមក នាគ្រាមានទុក្ខលំបាក។
មតិលើកឡើង នៅពេលដែលលោកឧត្តមសេនីយ៍ទោ អ៊ុក កុសល ស្នងការនគរបាលខេត្តកំពង់ធំ បានដឹកនាំកងកម្លាំងនគរបាលគោរពទង់ជាតិ នៃព្រះរាជាណាចក្រកម្ពុជាដោយមានការអញ្ជើញចូលរួម លោក លោកស្រី នាយ នាយរងការិយាល័យ និងមន្ត្រីននគរបាលចំណុះអោយការិយាល័យជំនាញទាំង ៣២ ចូលរួមប្រមាណ ២០០នាក់ នៅស្នgការដ្ឋាននគរបាលខេត្តកំពង់ធំ ៕
ចំនួនអ្នកទស្សនា
- ថ្ងៃនេះ8641
- ម្សិលមិញ15681
- សប្តាហ៍នេះ67481
- ខែនេះ89361
- ឆ្នាំនេះ89361
- សរុប20531817