ម៉ូតូបុកម៉ូតូបណ្តាលឱ្យស្លាប់២នាក់ នៅកន្លែងកើតហេតុ នៅស្រុកព្រៃនប់
27-January-2020 | ដោយ ពលមនសិការ
ព្រះសីហនុ៖ មនុស្ស២នាក់ បានស្លាប់ភ្លាមៗនៅកន្លែងកើតហេតុក្នុងករណីគ្រោះថ្នាក់ចរាចរណ៍រវាងម៉ូតូបុកម៉ូតូ។ ហេតុការណ៍គ្រោះថ្នាក់នោះបានកើតឡើងកាលពីថ្ងៃអាទិត្យ ២កើត ខែមាឃ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២៦ ខែមករា ឆ្នាំ២០២០ វេលាម៉ោង១៩នឹង៤០នាទី លើផ្លូវជាតិលេខ៣ ចន្លោះគីឡូម៉ែត្រ១៩២-១៩៣ ស្ថិតនៅភូមិតាអោងធំ ឃុំសាមគ្គី ស្រុកព្រៃនប់ ខេត្តព្រះសីហនុ។
មន្ត្រីនគរបាលខេត្តព្រះសីហនុ បានឱ្យដឹងថាមុនពេលកើតហេតុមានម៉ូតូមួយគ្រឿងម៉ាកHONDA C125 ពណ៌ខ្មៅ គ្មានស្លាកលេខ អ្នកបើកបរឈ្មោះ ស៊ុន គីម ភេទប្រុស អាយុ៣០ឆ្នាំ មានទីលំនៅភូមិទួល ឃុំទឹកល្អក់ ស្រុកព្រៃនប់ ខេត្តព្រះសីហនុ មានទិសដៅពីខេត្តកំពត ឆ្ពោះមក វាលរេញ លុះដល់ចំណុចខាងលើបានបុកជាមួយម៉ូតូ HONDA C125 ពណ៌ស ពាក់ស្លាកលេខ ភ្នំពេញ 1HC-5967 អ្នកបើកបរឈ្មោះ សាន ម៉ាប់ ភេទប្រុស អាយុ៤៨ឆ្នាំ មានទីលំនៅភូមិព្រែកត្នោត ឃុំព្រែកត្នោត ស្រុកទឹកឈូ ខេត្តកំពត មានទិសដៅផ្ទុយគ្នា។
ប្រភពដដែលបន្តថាគ្រោះថ្នាក់នេះបណ្តាលឱ្យស្លាប់មនុស្សចំនួន ០២នាក់ នៅហ្នឹងកន្លែងកើតហេតុ។
បច្ចុប្បន្នសាកសពជនរងគ្រោះទាំង២បានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី។ រីឯវត្ថុតាងម៉ូតូ ចំនួន០២គ្រឿង បានយកមករក្សាទុកនៅអធិការដ្ឋាននគរបាលស្រុកព្រៃនប់ ៕
ចំនួនអ្នកទស្សនា
- ថ្ងៃនេះ8711
- ម្សិលមិញ15681
- សប្តាហ៍នេះ67551
- ខែនេះ89431
- ឆ្នាំនេះ89431
- សរុប20531887