រថយន្តហាយឡែនឌ័រ បុកម៉ូតូបណ្តាលឱ្យស្លាប់កូននៅកន្លែងកើតហេតុ ចំណែកម្តាយរងរបួសស្រាល
07-February-2020 | ដោយ ពលមនសិការ
កោះកុង៖ គ្រោះថ្នាក់ចរាចរណ៍មួយបានកើតឡើងរវាងរថយន្តនិងម៉ូតូបណ្តាលឱ្យមនុស្សស្លាប់ម្នាក់ និងរបួសស្រាលម្នាក់។ ហេតុការណ៍គ្រោះថ្នាក់ខាងលើបានកើតឡើងនៅវេលាម៉ោង១០និង៤៥នាទី ថ្ងៃទី០៦ ខែកុម្ភៈ ឆ្នាំ២០២០ នៅចំណុចផ្លូវជាតិលេខ៤៨ ចន្លោះបង្គោលគីឡូម៉ែត្រលេខ១២-១៣ ស្ថិតក្នុងភូមិសាលាម្នាង ឃុំបឹងព្រាវ ស្រុកស្រែអំបិល។
មន្ត្រីនគរបាលខេត្តកោះកុង បានឱ្យដឹងថាហេតុការណ៍គ្រោះថ្នាក់ចរាចរណ៍ខាងលើបង្ករឡើងដោយរថយន្ត ហាយឡិនឌ័រ ពណ៌សំបកឪឡឹក ពាក់ស្លាកលេខ ភ្នំពេញ 2AN-8692 បើកបរដោយឈ្មោះ ឆិល ចន្ទ ភេទប្រុស អាយុ៣៩ឆ្នាំ មានទីលំនៅភូមិសាមគ្គី ឃុំស្រែរនោង ស្រុកត្រាំកក់ បានបុកម៉ូតូវ៉េវ ពណ៌ក្រហម ជិះគ្នាពីរនាក់ម្តាយនឹងកូនអ្នកបើកបរឈ្មោះ រ៉ែន ស្រីនាង ភេទស្រី អាយុ១៥ឆ្នាំ មានទីលំនៅភូមិព្រះអង្គកែវ ឃុំដងពែង ស្រុកស្រែអំបិល បណ្តាលឲ្យស្លាប់ភ្លាមៗនៅនឹងកន្លែងកើតហេតុ។ ចំណែកឯអ្នករួមដំណើរឈ្មោះ ហន ម៉ៅ ភេទស្រី អាយុ៣៦ឆ្នាំ ត្រូវជាម្តាយបង្កើត របស់អ្នកបើកបររងរបួសស្រាល។
បច្ចុប្បន្នវត្ថុតាងទាំងពីរយកមករក្សាទុកនៅអធិការដ្ឋាននគនរបាលស្រុកស្រែអំបិល ដើម្បីរងចាំដោះ ស្រាយតាមនីតិវិធី ៕
ចំនួនអ្នកទស្សនា
- ថ្ងៃនេះ4521
- ម្សិលមិញ15681
- សប្តាហ៍នេះ63361
- ខែនេះ85241
- ឆ្នាំនេះ85241
- សរុប20527697