ស្លាប់ម្នាក់និងរបួសស្រាលម្នាក់ ករណីគ្រោះថ្នាក់ចរាចរណ៍រថយន្តបុកម៉ូតូ
11-February-2020 | ដោយ ពលមនសិការ
ត្បូងឃ្មុំ៖ មនុស្សម្នាក់បានស្លាប់តាមផ្លូវពេញបញ្ជូនទៅមន្ទីរពេទ្យខេត្តកំពង់ចាម និងមនុស្សម្នាក់រងរបួសស្រាល ក្នុងករណីគ្រោះថ្នាក់ចរាចរណ៍រវាងរថយន្តនិងម៉ូតូ។ ហេតុការណ៍គ្រោះថ្នាក់ខាងលើបានកើតឡើង កាលពីថ្ងៃចន្ទ ២រោច ខែមាឃ ឆ្នាំកុរ ឯកស័ក ពុទ្ធសករាជ២៥៦៣ ត្រូវនឹងថ្ងៃទី១០ ខែកុម្ភៈ ឆ្នាំ២០២០ វេលាម៉ោង១៥នឹង៥៥នាទី នៅលើផ្លូវក្រាលកៅស៊ូ ត្រង់ចំណុចមុខផ្ទះរបស់ឈ្មោះ វ៉ាន់ ភេទប្រុស ស្ថិតនៅភូមិទឹកទុំ ឃុំកំពាន់ ស្រុកមេមត់ ខេត្តត្បូងឃ្មុំ។
មន្ត្រីនគរបាលខេត្តត្បូងឃ្មុំ បានឲ្យដឹងថាហេតុការណ៍គ្រោះថ្នាក់ខាងលើបង្កឡើងដោយម៉ូតូម៉ាកវ៉េវ ពណ៌បៃតង គ្មានស្លាកលេខ បើកបរដោយឈ្មោះ ណុល ចិន្តា ភេទប្រុស អាយុ១៦ឆ្នាំ ជាតិខ្មែរ រស់នៅភូមិស្រែពង្រ ឃុំរំចេក ស្រុកមេមត់ ខេត្តត្បូងឃ្មុំ (ស្លាប់តាមផ្លូវពេលបញ្ជូនទៅមន្ទីរពេទ្យខេត្តកំពង់ចាម)បានឌុបឈ្មោះអឿន វិសាល ភេទប្រុស អាយុ១៥ឆ្នាំ ជាតិខ្មែរ រស់នៅភូមិ-ឃុំជាមួយគ្នា (របួសស្រាល)។ អ្នកបើកបរម៉ូតូ និងអ្នករួមដំណើរមិនពាក់មួកសុវត្ថិភាព។ បង្កជាមួយរថយន្តម៉ាកសាំយ៉ុង ពណ៌ស ពាក់ស្លាកលេខ ត្បូងឃ្មុំ 2A-9824 មិនស្គាល់ ឈ្មោះ និងអាស័យដ្ឋានអ្នកបើកបរក្រោយពេលកើតហេតុ ទុករថយន្តនៅកន្លែងកើតហេតុរត់គេចខ្លួនបាត់ ៕
ចំនួនអ្នកទស្សនា
- ថ្ងៃនេះ4511
- ម្សិលមិញ15681
- សប្តាហ៍នេះ63351
- ខែនេះ85231
- ឆ្នាំនេះ85231
- សរុប20527687