កម្លាំងនគរបាលឃាត់ខ្លួនជនសង្ស័យចំនួន០៤នាក់ ពាក់ព័ន្ធគ្រឿងញៀន
13-February-2020 | ដោយ ពលមនសិការ
សៀមរាប៖ នៅថ្ងៃអង្គារ ០៣រោច ខែមាឃ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១១ ខែកុម្ភៈ ឆ្នាំ២០២០ កម្លាំងការិយាល័យប្រឆាំងគ្រឿងញៀន សហការជាមួយកម្លាំងអធិការដ្ឋាននគរបាលក្រុងសៀមរាប បង្ក្រាបនិងឃាត់ខ្លួនជនសង្ស័យចំនួន០៤នាក់ ពីបទ រក្សាទុក ចាត់ចែង ជួញដូរ និងប្រើប្រាស់ដោយខុសច្បាប់នូវសារធាតុញៀន នៅក្នុងក្រុងសៀមរាបៈ
-ទីតាំងទី១៖ នៅចំណុចបន្ទប់ជួលស្ថិតនៅភូមិខ្នារ សង្កាត់ជ្រាវ ក្រុង/ខេត្តសៀមរាប ឃាត់ខ្លួនជនសង្ស័យចំនួន០៣នាក់ស្រី០១នាក់ និងដកហូតវត្ថុតាងរួមមានៈ ម្សៅមេតំហ្វេតាមីនប្រភេទទឹកកក ចំនួន០៤កញ្ចប់ ស្មើនឹងទម្ងន់១១ក្រាម (ថ្លឹងទាំងសំបក), ទូរស័ព្ទដៃចំនួ ០៤គ្រឿង ជញ្ជីងថ្លឹងគ្រឿងញៀនចំនួន០១គ្រឿង ឧបករណ៍ប្រើប្រាស់ និងសំភារៈវេចខ្ចប់គ្រឿងញៀនមួយចំនួន។
-ទីតាំងទី២៖ នៅចំណុចក្នុងអ៊ីនធើណេត ស្ថិតនៅភូមិតាភុល សង្កាត់ស្វាយដង្គំ ក្រុង/ខេត្តសៀមរាប ឃាត់ខ្លួនជនសង្ស័យម្នាក់ និងដកហូតវត្ថុតាងបានរួមមានៈ ម្សៅមេតំហ្វេតាមីនប្រភេទទឹកកក ចំនួន១៣កញ្ចប់ ស្មើនឹងទម្ងន់ ៣,៧ក្រាម (ថ្លឹងទាំងសំបក),ទូរស័ព្ទដៃចំនួន០២គ្រឿង ឧបករណ៍ប្រើប្រាស់ និងវេចខ្ចប់គ្រឿងញៀនមួយចំនួន។
បច្ចុប្បន្ន ជនសង្ស័យទាំង០៤នាក់ ត្រូវបានសមត្ថកិច្ចឃាត់ខ្លួន និងកំពុងកសាងសំណុំរឿងបញ្ជូនទៅសាលាដំបូងខេត្ត ដើម្បីអនុវត្តតាមនីតិវិធីច្បាប់បន្ត ៕
ចំនួនអ្នកទស្សនា
- ថ្ងៃនេះ3221
- ម្សិលមិញ15681
- សប្តាហ៍នេះ62061
- ខែនេះ83941
- ឆ្នាំនេះ83941
- សរុប20526397