អគ្គិភ័យឆាបឆេះកន្លែងបោកអ៊ុត របស់ជនជាតិ នៅសង្កាត់សាលាកំរើក
14-February-2020 | ដោយ ពលមនសិការ
សៀមរាប៖ ថ្ងៃពុធ ៤រោច ខែមាឃ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី១២ ខែកុម្ភៈ ឆ្នាំ២០២០ វេលាម៉ោង ១៥នឹង១០នាទីរសៀល មានករណីអគ្គិភ័យ ភ្លើងឆេះនៅក្រុមទី៣ ភូមិត្រពាំងត្រែង សង្កាត់សាលាកំរើក ក្រុង-ខេត្តសៀមរាប។
លោកឧត្តមសេនីយ៍ត្រី ភឹង សម្បត្តិ ស្នងការរងទទួលបន្ទុកការងារបង្ការ ពន្លត់អគ្គិភ័យ និងសង្គ្រោះ បានអោយដឹងថា បណ្តាលមកពីផ្កាភ្លើង ចេញពីបំពង់បង្ហុយផ្សែងខាងលើ ហើយធ្លាក់ចុះមកលើដំបូលស្បូវខាងក្រោមបណ្តាលឲ្យឆេះ ពន្លត់មិនទាន់។
កន្លងមក ធ្លាប់មានផ្កាភ្លើងធ្លាក់ចុះមកឆេះម្តងហើយ ប៉ុន្តែពន្លត់ទាន់ ហើយបណ្តាលអោយរងការខូចខាតៈ
- ឆេះខ្ចុះទំហំ ៤ម៉ែត្រx៤ម៉ែត្រ ធ្វើអំពីឈើ ប្រក់ស្បូវ ឆេះទាំងស្រុង
- ឆេះរោងធ្វើតៅហ៊ូ ទំហំ៤ម៉ែត្រx៥ម៉ែត្រ ធ្វើអំពីឈើ ប្រក់ស័ង្កសី ទាបផ្ទាល់ដី។
- ឆេះស្តុបម្សៅសាប៊ូបោកគក់ អស់មួយចំនួនធំ
- និងសំភារះប្រើប្រាស់មួយចំនួនទៀតផង ក្រៅពីនេះគឺពុំបណ្តាលឲ្យរាលដាលទៀតទេ។
ម្ចាស់ផ្ទះឈ្មោះ ព្រំ ភាព ភេទស្រី អាយុ៤៨ឆ្នាំ មុខរបរមេផ្ទះ មានទីលំនៅភូមិឃុំកើតហេតុខាងលើ។ ហើយបានជួលផ្ទះទៅឲ្យជនជាតិ ចិន ដើម្បីប្រកបអាជីវកម្មបោកគក់ និងធ្វើតៅហ៊ូលក់)។
កម្លាំងសមត្ថកិច្ចបានអន្តរាគមន៍ពន្លត់ដោយ ប្រើប្រាស់រថយន្តពន្លត់អគ្គិភ័យ ស្នងការដ្ឋាននគរបាលខេត្តសៀមរាបចំនួន ០១គ្រឿង ប្រើប្រាស់ទឹកអស់ ០១ឡាន ៕
ចំនួនអ្នកទស្សនា
- ថ្ងៃនេះ2391
- ម្សិលមិញ15681
- សប្តាហ៍នេះ61231
- ខែនេះ83111
- ឆ្នាំនេះ83111
- សរុប20525567