ឯកឧត្តម ឧត្តមសេនីយ៍ឯក ស ថេត អញ្ជើញត្រួតពិនិត្យសំណង់អគារថ្មី៩ជាន់ របស់ស្នងការដ្ឋាននគរបាលរាជធានីភ្នំពេញ
02-March-2020 | ដោយ ពលមនសិការ
ភ្នំពេញ៖ ឯកឧត្តម ឧត្តមសេនីយ៍ឯក ស ថេត អគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញនៅព្រឹកថ្ងៃអាទិត្យទី០១ ខែមីនា ឆ្នាំ២០២០ បានអញ្ជើញចុះត្រួតពិនិត្យសំណង់អគារថ្មី៩ជាន់របស់ស្នងការដ្ឋាននគរបាលរាជធានីភ្នំពេញដែលកំពុងសាងសង់សម្រេចបានលទ្ធផល២០ភាគរយនិងសំណេះសំណាលសាកសួរសុខទុក្ខចែកអំណោយលើកទឹកចិត្តជូនដល់ក្រុមជាងសំណង់៧៦នាក់ ដែលកំពុងធ្វើការងារមមាញឹកកសាងអគារ៩ជាន់ឱ្យបានលឿនឆាប់រហ័សសម្រេចឱ្យបានរួចរាល់ជាស្ថាពរអនុវត្តតាមផែនការកំណត់រយៈពេល២ឆ្នាំខាងមុខ។
ក្នុងឱការសាកសួរសុខទុក្ខជាងសំណង់ឯកឧត្តម ឧត្តមសេនីយ៍ឯក ស ថេត អគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញ ក៏បានណែនាំក្រុមវិស្វករដែលទទួលម៉ៅការសាងសង់និងក្រុមជាងសំណង់ទាំងអស់ត្រូវកសាងអគារស្នងការដ្ឋាននគរបាលរាជធានីភ្នំពេញឱ្យបានម៉ត់ចត់រឹងមាំនិងមានគុណភាពចៀសវាងកុំឱ្យមានការកសាងធ្វេសប្រហែសអនុវត្តមិនគោរពទៅតាមកិច្ចកុងត្រានៃស្តង់ដាសំណង់ដែលថ្ងៃក្រោយវាប្រឈមនិងបង្កហានិភ័យគ្រោះថ្នាក់កើតឡើងជាយថាហេតុណាមួយនោះ។ពីព្រោះអគារធ្វើការងារថ្មីរបស់នគរបាលរាជធានីភ្នំពេញជាសមិទ្ធិផលដែលជារបស់រដ្ឋសម្រាប់ការប្រើប្រាស់ឱ្យបានគង់វង្សយូរអង្វែង។
ឯកឧត្តម ឧត្តមសេនីយ៍ឯក ស ថេត ក៏បានអប់រំណែនាំដល់ក្រុមជាងសំណង់ត្រូវនៅឱ្យឆ្ងាយពីគ្រឿងញៀន និងកុំប្រព្រឹត្តនូវអ្វីដែលខុសច្បាប់ដោយខិតខំប្រឹងប្រែងធ្វើការងារសន្សំថវិកាដើម្បីបង្កើនជីវភាពរស់នៅក្នុងក្រុមគ្រួសារឱ្យកាន់ល្អប្រសើរ។ក្នុងឱកាសនោះក៏បានចែកអំណោយជាងសំណង់៧៦នាក់ ក្នុងម្នាក់ៗទទួលបានថវិកា៥ម៉ឺនរៀល អាវម្នាក់មួយ និងភេសជ្ជៈមួយចំនួនផងដែរ។
សូមបញ្ជាក់ថាអគារ៩ជាន់របស់ស្នងការដ្ឋាននគរបាលរាជធានីភ្នំពេញចាប់ផ្តើមកសាងក្នុងអំឡុងដើមខែធ្នូឆ្នាំ២០១៩ រហូតមកដល់ចបចុប្បន្នមានរយៈពេលប្រមាណ៣ខែសម្រេចបានលទ្ធផល២០ភាគរយដោយកសាងដល់តំណាក់កាលចាក់ប្លង់សេជាន់ទី២នៃសំណង់អគារ។អគារថ្មីស្នងការដ្ឋាននគរបាលរាជធានីភ្នំពេញគ្រោងនិងកសាងឱ្យរួចរាល់នៅឆ្នាំ២០២២ខាងមុខ ដែលដឹកនាំកសាងផ្ទាល់ពីឯកឧត្តម ឧត្តមសេនីយ៍ឯក ស ថេត អគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញ។
ក្រោមការជួយឧបត្ថម្ភគាំទ្រពីក្រសួងមហាផ្ទៃក៏ដូចជាអគ្គស្នងការនគរបាលជាតិដែលតែងតែគិតគូលើកកម្ពស់ដោះស្រាយកែប្រែកន្លែងធ្វើការងាររបស់នគរបាលជាតិឱ្យបានស្អាតល្អស្របតាមភាពរីកសម្រើនសេដ្ឋកិច្ចរបស់ព្រះរាជាណាចក្រកម្ពុជា។ជាសមិទ្ធផលថ្មីមួយសម្រាប់ឱ្យមន្ត្រីនគរបាលរាជធានីភ្នំពេញមានកន្លែងធ្វើការងារល្អសមរម្យស័ក្តិសមជាកន្លែងបំរើសេវាសន្តិសុខនិងសេវារដ្ឋបាលជូនប្រជាពលរដ្ឋ៕
ចំនួនអ្នកទស្សនា
- ថ្ងៃនេះ14521
- ម្សិលមិញ15191
- សប្តាហ៍នេះ57671
- ខែនេះ79551
- ឆ្នាំនេះ79551
- សរុប20522007