ខួបលើកទី១០៩ ទិវាអន្តរជាតិ ៨មីនា ក្រោមប្រធានបទ«មានសន្តិភាព មានការលើកកម្ពស់សមភាពយេនឌ័រ»
03-March-2020 | ដោយ ពលមនសិការ
ភ្នំពេញ៖ ឯកឧត្តមបណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំយុវជន និងកីឡា បានថ្លែងថា ការប្រារព្ធមីទ្ទិញអបអរ សារទរខួបទី១០៩ ទិវាអន្តរជាតិ ៨មីនានេះ ជាសក្ខីភាពមួយបញ្ជាក់ពីការចូលរួម យ៉ាងសកម្មរបស់ក្រសួង យុវជន និងកីឡាក្នុងដំណើរលើកកម្ពស់សមភាពយេនឌ័រ ក្នុងវិស័យអប់រំយុវជន និងកីឡា ស្របតាមអនុសាសន៍ ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃ ព្រះរាជាណាចក្រកម្ពុជា ដែលជានិច្ចកាលផ្តល់ការគាំទ្រនិងគំនិតផ្ដួចផ្ដើមក្នុងការលើកកម្ពស់ភាពអង់អាចក្លាហាន របស់ស្ត្រីនិងកុមារីឱ្យទទួលបានការអប់រំប្រកបដោយគុណភាព នៅគ្រប់ភូមិសិក្សា។
ការលើកឡើងរបស់រដ្ឋមន្ត្រីក្រសួងអប់រំយុវជន និងកីឡានេះ គឺធ្វើនៅក្នុងពិធីអបអរសាទរ ខួបលើកទី១០៩ ទិវាអន្តរជាតិ ៨មីនា ក្រោមប្រធានបទ«មានសន្តិភាព មានការលើកកម្ពស់សមភាពយេនឌ័រ» នាថ្ងៃអង្គារ ១០កើត ខែផល្គុន ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី៣ ខែមីនា ឆ្នាំ២០២០ នៅទីស្តីការក្រសួង។
ឯកឧត្តមបន្តថា ក្រសួង យុវជន និងកីឡា បានរៀបចំផែនការយុទ្ធសាស្ត្រ បញ្ជ្រៀបយេនឌ័រក្នុងវិស័យអប់រំក្នុង ទិសដៅលើកកម្ពស់ភាពសមភាពយេនឌ័រក្នុង ការងារដឹកនាំ ការងារគ្រប់គ្រង ការផ្តល់សេវា និងការទទួលបាន សេវា
អប់រំប្រកបដោយ គុណភាព សមធម៌ និងបរិយាប័ន្នព្រមទាំងលើកកម្ពស់ឱកាសក្នុង ការសិក្សាពេញមួយជីវិត សម្រាប់ទាំងអស់គ្នានៅទូទាំងប្រទេស ៕
ចំនួនអ្នកទស្សនា
- ថ្ងៃនេះ15651
- ម្សិលមិញ15191
- សប្តាហ៍នេះ58801
- ខែនេះ80681
- ឆ្នាំនេះ80681
- សរុប20523137