នគរបាលចាប់ខ្លួនជនជាតិចិន ២នាក់ ករណីជួញដូរគ្រឿងញៀន
10-March-2020 | ដោយ ពលមនសិការ
ព្រះសីហនុ៖ កម្លាំងនគរបាលការិយាល័យព្រហ្មទណ្ឌកម្រិតស្រាល បង្ក្រាបករណីគ្រឿងញៀនមួយករណី ស្ថិតនៅចំណុចភូមិ៥ សង្កាត់លេខ៤ ក្រុង/ខេត្តព្រះសីហនុ កាលពីថ្ងៃទី០៨ ខែមីនា ឆ្នាំ២០២០ ដោយឃាត់ខ្លួនជនសង្ស័យជាជនជាតិ២នាក់។
សមត្ថកិច្ចបានឲ្យដឹងថាជនសង្ស័យទី១-ឈ្មោះ Tong longsheng ភេទប្រុស អាយុ៣៤ឆ្នាំ ជនជាតិចិន មុខរបរ មិនពិតប្រាកដ ស្រុកកំណើត ប្រទេសចិន ទីលំនៅបច្ចុប្បន្ន ភូមិ៣ សង្កាត់៤ ក្រុង/ខេត្តព្រះសីហនុ លិខិតឆ្លងដែនគ្មាន, ទី២-ឈ្មោះLiao hao ភេទប្រុស អាយុ២៧ឆ្នាំ ជនជាតិចិន មុខរបរ មិនពិតប្រាកដ ស្រុកកំណើត ប្រទេសចិន ទីលំនៅបច្ចុប្បន្ន ភូមិ៤ សង្កាត់៤ ក្រុង/ខេត្តព្រះសីហនុ លិខិតឆ្លងដែនគ្មាន។
វត្ថុតាងចាប់យករួមមានៈ ប្រភេទ អ៊ីចស្តាស៊ី (MDMA) ទម្ងន់៥៦២,៧៨ក្រាម, បារីមូកញ្ឆា (រុក្ខជាតិញៀន)០៦ដើម ទម្ងន់៤,៧៧ក្រាម, ម្សៅសថ្លា សង្ស័យជាសារធាតុញៀន ទម្ងន់១៦,៤២ក្រាម, ម្សៅពណ៌ស្វាយ សង្ស័យជាសារធាតុញៀន ទម្ងន់៥២,៧២ក្រាម, ជញ្ជីងសម្រាប់ថ្លឹងគ្រឿងញៀន ចំនួន០២គ្រឿង, សម្ភារប្រើប្រាស់និងវេចខ្ចប់គ្រឿងញៀនមួយចំនួន។
បច្ចុប្បន្នសមត្ថកិច្ចជំនាញបានកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ13381
- ម្សិលមិញ15191
- សប្តាហ៍នេះ56531
- ខែនេះ78411
- ឆ្នាំនេះ78411
- សរុប20520867