លោកស្នងការនគរបាលខេត្តព្រះសីហនុ ឧបត្ថម្ភថវិកាទិញទឹកសុទ្ធ និងទិញម៉ាស់ជូនកម្លាំងនគរបាលចរាចរណ៍ ដែលកំពុងបំពេញភារកិច្ចតាមដងផ្លូវ
12-March-2020 | ដោយ ពលមនសិការ
ព្រះសីហនុ៖ លោកវរសេនីយ៍ឯកព្រហ្ម ពៅ នាយការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តព្រះសីហនុ បានឲ្យដឹងថា៖ រសៀលថ្ងៃទី១២ ខែមីនា ឆ្នាំ២០២០ ឯកឧត្ដម ឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានឧបត្ថម្ភថវិកាចំនួន១លានរៀល ទឹកសុទ្ធចំនួន២៥កេស និងម៉ាស់ចំនួន៥ដុំ ឧបត្ថម្ភដល់កម្លាំងនគរបាលចរាចរណ៍ផ្លូវគោក ដែលកំពុងបំពេញភារកិច្ចសម្រួលចរាចរណ៍តាមផ្លូវ។
លោកព្រហ្ម ពៅ បានបញ្ជាក់ថា៖ ដោយស្ថានភាពផ្លូវ ក្នុងក្រុងព្រះសីហនុ ចំនួន៣៤ខ្សែ កំពុងស្ថាបនាយ៉ាងមមាញឹកបំផុត ស្របពេលដែលអាកាសធាតុរដូវប្រាំងកំពុងឡើងកំដៅ ព្រមទាំងមានធូលីហុយផង។
ដូច្នេះលោកស្នងការបានមើលឃើញពីការលំបាករបស់បងប្អូន លោកបាន ឧបត្ថម្ភថវិកា១លានរៀល និងទិញទឹកសុទ្ធ ទិញម៉ាស់ចែកជូន បងប្អូនកងកម្លាំង ពាក់ការពារដីហុយ និងការពារការឆ្លងមេរោគផ្សេងៗផងដែរ។
ក្នុងឱកាសនេះ លោកវរសេនីយ៍ឯកព្រហ្ម ពៅ តំណាងឲ្យបងប្អូនកងកម្លាំងនគរបាលចរាចរណ៍ផ្លូវគោក សូមថ្លែងអំណរគុណ និងគោរពជូនពរ ឯកឧត្ដមស្នងការ លោកជំទាវ ព្រមទាំងក្រុមគ្រួសារ ប្រកបដោយសុខភាពល្អ និងជោគជ័យគ្រប់ភារកិច្ច សូមឲ្យទទួលបាននូវពុទ្ធពរទាំងបួនប្រការ គឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ ៕
ចំនួនអ្នកទស្សនា
- ថ្ងៃនេះ12551
- ម្សិលមិញ15191
- សប្តាហ៍នេះ55701
- ខែនេះ77581
- ឆ្នាំនេះ77581
- សរុប20520037